بيىل وقۋ باعدارلاماسىندا قانداي وزگەرىستەر بولۋى مۇمكىن
«ءبىز ى. التىنسارين اتىنداعى اكادەميانىڭ رەسمي سايتىنا وقۋ باعدارلاماسى بويىنشا ساراپشىلاردىڭ شەشىمدەرىن ۇنەمى اشىق جاريالايمىز. سونىمەن قاتار، ساراپشىلار وزدەرىنىڭ جەكە پاراقشالارىندا دا بولىسەدى. قازىر مينيسترلىك وقۋ باعدارلاماسىنا قاتىستى تۇپكىلىكتى شەشىمدى ءالى قابىلداعان جوق. بۇگىندە تالاپقا سايكەس اتا-انالار قاۋىمداستىعىمەن تالقىلاۋ ءجۇرىپ جاتىر. ساراپشىلار مەن عالىمدار ءوز شەشىمدەرىن قابىلدادى. ەندى ول شەشىمدى اتا-انالار جانە مۇعالىمدەر قاۋىمىمەن تالقىلاۋ قاجەت»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ مالىمدەۋىنشە، ساراپشىلار وڭىرلەردى ارالاپ شەشىمدەردى تالقىلاۋعا كىرىسكەن.
«ساراپشىلار 36 اپتالىق وقۋ باعدارلاماسىن قالدىرۋدى ۇسىنىپ وتىر، ياعني 1- ماۋسىمعا دەيىن. دەگەنمەن، قازىر قوعامدىق تالقىلاۋ ءجۇرىپ جاتىر»، - دەدى ول.