بۇل تۋرالى بۇگىن سەۋلدە ورتالىق ازيا ەلدەرىنىڭ دەنساۋلىق ساقتاۋ مينيسترلىكتەرىنىڭ وكىلدەرى قاتىسقان فورۋمدا ايتىلدى.
مامانداردىڭ پايىمىنشا، قازاقستان دارىلىك وسىمدىكتەرگە باي. كورەياعا دارىلىك ءشوپتى نەگىزگى جەتكىزۋشى - قىتاي، رەسەي جانە قازاقستان. ەندى قىتايداعى باعانىڭ وسۋىنە بايلانىستى نەگىزگى ءونىمدى قازاقستاننان الۋعا نيەتتى. فورۋمدا سونداي- اق استانا مەن سەۋل اراسىنداعى مەديتسينالىق تۋريزم سالاسىنداعى ىنتىماقتاستىق تالقىلاندى.
مۇرات يماشيەۆ، ق ر د س م دەپارتامەنت ديرەكتورىنىڭ ورىنباسارى:
- بۇل فورۋم قازاقستان مەن كورەيا اراسىنداعى دەنساۋلىق ساقتاۋ، حالىقارالىق ىنتىماقتاستىق، كادرلاردىڭ، مەديتسينا قىزمەتكەرلەرىنىڭ جانە فارماتسيەۆتيكا قىزمەتكەرلەرىنىڭ بىلىكتىلىگىن ارتتىرۋ سالاسىنداعى ىنتىماقتاستىقتى ىلگەرىلەتۋگە باعىتتالعان.
4 باعىت ۇسىنىلدى. بۇل - كادرلاردى وقىتۋ، مەديتسينا قىزمەتكەرلەرى اراسىندا تاجىريبە الماسۋ.
پاك سانگ پ يە ، كورەيا مەديتسيناسىن دامىتۋ ۇلتتىق ينستيتۋتى دەپارتامەنتىنىڭ ديرەكتورى:
- ءبىز قازاقستاننان نەگىزىنەن مارال ءمۇيىزىن، قىزىل ميا تامىرىن، سونداي- اق قۇرعاق ءشولدى ايماقتاردا عانا وسەتىن قاسقىر جەمى وسىمدىكتەرىن اكەلەمىز. ءبىز ىنتىماقتاستىقتىڭ بىرنەشە جولىن ۇسىنامىز. بۇل - كورەيادا قازاقستاندىق شيكىزاتتان دايىندالعان پرەپاراتتاردى ءوندىرۋ جانە باسقا ەلدەردە، ونىڭ ىشىندە قازاقستاندا ساتۋ نەمەسە ينۆەستيتسيالاردى، تەحنولوگيالاردى، مامانداردى تارتىپ، قازاقستانداعى زاۋىتتاردان ءونىم شىعارىپ، كورەياعا جانە ەۋروپا، رەسەي سياقتى باسقا ەلدەرگە ەكسپورتتاۋ.