قىزىلوردا قالالىق پوليتسيا باسقارماسىنىڭ قىزمەتكەرلەرى جەدەل باسقارۋ ورتالىعىنىڭ بەينەباقىلاۋ كامەرالارى ارقىلى «نيسسان» ماركالى اۆتوكولىگىنە ۇرلىق جاساۋعا ارەكەتتەنگەن ەكى كۇدىكتىنى قولعا ءتۇسىردى.
ەكى كۇدىكتى كوپقاباتتى ءۇيدىڭ اۋلاسىندا تۇرعان اۆتوكولىكتىڭ ارتقى ەسىگىنىڭ اشىق قالعانىن پايدالانىپ، كولىك ىشىنەن جەكە مۇلىكتەردى ۇرلاماقشى بولعان جەرىنەن وقيعا ورنىندا ۇستالدى.
بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنىڭ 3-بولىگىمەن (ۇرلىققا ارەكەت) سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. وقيعانىڭ ءمان-جايلارى انىقتالىپ جاتىر.