«جاز باستالىسىمەن حالىق اراسىندا پروفيلاكتيكالىق ءتۇسىندىرۋ جۇمىستارىن جۇرگىزەمىز. تۇرعىندارعا رۇقسات ەتىلگەن جەرلەردە عانا شومىلۋ كەرەكتىگى ەسكەرتىلەدى. مامىر ايىنان باستاپ كۇنمەن قاتار سۋ دا جىليدى. سايكەسىنشە ءتۇرلى ينفەكتسيالار كوبەيە ءتۇسىپ، جۇقپالى اۋرۋلاردىڭ ارتۋىنا الىپ كەلەدى. اسىرەسە، اشىق سۋ قويمالارى مەن سۋبۇرقاقتاردا. رۇقسات ەتىلمەگەن جەردە شومىلۋ كەزىندە ينفەكتسيا جۇقتىرۋ ءقاۋپى جوعارى»، - دەدى سارقىت بەيسەنوۆا قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ماماننىڭ ايتۋىنشا، شومىلۋ كەزىندە ەنتەروۆيرۋستىق ينفەكسيادان باسقا، ىشەك ينفەكتسيالارى جانە ا ۆيرۋستىق گەپاتيتىن جۇقتىرۋى مۇمكىن.
«شومىلۋ ماۋسىمى باستالعالى ەكى استانالىق رۇقسات ەتىلمەگەن جەردە سۋعا ءتۇسىپ، سالدارىنان سەروزدى مەنينگيت جۇقتىرعان. وتكەن جىلى وسى كەزەڭدە 6 ادامنان سەروزدى مەنينگيت انىقتالدى»، - دەيدى ەلوردانىڭ باس سانيتارى.
بۇعان دەيىن ەكى ەلوردالىق جاسوسپىرىمنەن ا ي ت ۆ انىقتالعانى تۋرالى حابارلاعان ەدىك.