ايتا كەتەيىك، وتكەن جىلى ەلىمىزدىڭ مەديتسينالىق ۇيىمدارىندا 3884 شەتەلدىك پاتسيەنت ەمدەلگەن، ولاردىڭ ىشىندە (3303 ادام) شۇعىل جانە (581 ادام) جوسپارلى تارتىپپەن تۇسكەن.
«بۇل ءۇشىن ەلىمىزدە ءتۇرلى يننوۆاتسيالىق تەحنولوگيالار ەنگىزىلۋدە. 2021 -جىلى «ۇلتتىق نەيروحيرۋرگيا ورتالىعى» اق بازاسىندا ورتالىق ازيا ەلدەرىندە العاشقىلاردىڭ ءبىرى بولىپ گامما-پىشاق ورتالىعى اشىلدى، ول ورتالىق جۇيكە جۇيەسىنىڭ اۋرۋلارىن راديوحيرۋرگيالىق ەمدەۋدىڭ «التىن ستاندارتى» بولىپ سانالادى. گامما-پىشاق راديوحيرۋرگيالىق قوندىرعىسى ىسكە قوسىلعان 2021 -جىلعى 27 مامىردان بەرى 750-دەن استام وتا جاسالدى. وعان قوسا، ۇلتتىق عىلىمي ونكولوگيا ورتالىعى سالىنىپ جاتىر، وندا پروتون، راديونۋكليد، لازەرلىك تەراپيا ورتالىقتارىن اشۋ جوسپارلانعان»، - دەپ جازىلعان دەپارتامەنت حابارلاماسىندا.
مەديتسينالىق تۋريزم سالاسىنىڭ اعىمداعى جاي-كۇيىن باعالاۋ قازاقستانعا ەمدەلۋگە كەلەتىن شەتەلدىك ازاماتتاردا نەيروحيرۋرگيا، كارديوحيرۋرگيا، ترانسپلانتولوگيا، رەپرودۋكتولوگيا (ە ك و)، ورتوپەديا جانە تراۆماتولوگيا، ستوماتولوگيا باعىتتارى سۇرانىسقا يە ەكەنىن كورسەتەدى.
«جالپى دەنساۋلىق ساقتاۋ مينيسترلىگى قازاقستاندا مەديتسينالىق تۋريزمدى دامىتۋ باستامانى قولدايدى. جىلجىمالى مەديتسينالىق تۋريزمدى ودان ءارى دامىتۋ جۇمىستارى 2023 -جىلعا ارنالعان شارالار جوسپارى بويىنشا جالعاسادى»، - دەيدى مەديتسينالىق كومەكتى ۇيىمداستىرۋ دەپارتامەنتى.
قازاقستاندىقتار وتكەن جىلى بيۋدجەت قاراجاتى ەسەبىنەن تۇركيا، رەسەي، گەرمانياعا ەم الۋعا جىبەرىلگەن.