الماتى قالاسى مەن الماتى وبلىسىنىڭ مۇزداق كولدەرىندە اعىندى سۋ ارنالارىن تەرەڭدەتۋ جانە نازار اۋدارۋدى قاجەت ەتەتىن ۋچاسكەلەردە سۋدى قاۋىپسىز بەلگىلەرگە دەيىن سورىپ شىعارۋ بويىنشا الدىن الۋ شارالارى بەلسەندى تۇردە جالعاسىپ جاتىر.
جالپى، جىل باسىنان بەرى 18 اەروۆيزۋالدى جانە 700 دەن استام جەرۇستى زەرتتەۋ جۇمىسى جاسالدى.
مۇزداق كولدەردە بارلاۋ جۇمىستارى ءجۇرىپ جاتىر.
«ايۋساي» سەلدى ۇستاپ قالاتىن بوگەتتىڭ ۋاقتىلى سالىنۋىنىڭ ارقاسىندا قۇمبەل وزەنى (ۇلكەن الماتى وزەنىنىڭ باسسەينى) بويىنشا سەل تاسقىنىنا جول بەرىلمەدى.
بوگەت سەل شوگىندىلەرىن، اعاشتاردىڭ تامىرى مەن دىڭدەرىن ۇستاپ قالدى.
قابىلدانعان الدىن الۋ شارالارى ەلدى مەكەندەر ءۇشىن سەل شىعارىندىلارىنىڭ سالدارىن بارىنشا ازايتۋعا مۇمكىندىك بەردى، پروفيلاكتيكالىق سيپاتتاعى شارالار قابىلداۋ جالعاسۋدا.
قازىرگى ۋاقىتتا الماتى قالاسىنىڭ، الماتى وبلىسىنىڭ جانە جەتىسۋ وبلىسىنىڭ تاۋلارىندا مۇزدى جانە نوسەر گەنەزيسىنىڭ سەل ءقاۋپىنىڭ جوعارى دارەجەسى ساقتالىپ تۇر.