بۇل رەتتە اۆتوكولىك يەسىنە 1414 نومىرىنەن تەحنيكالىق بايقاۋدان قايتا ءوتۋ قاجەتتىلىگى تۋرالى SMS حابارلاما جىبەرىلەدى، دەپ حابارلايدى قازاقپارات «ۇلتتىق اقپاراتتىق تەحنولوگيالار» ا ق قوعاممەن بايلانىس باسقارماسىنا سىلتەمە جاساپ.
دياگنوستيكالىق كارتا - تەحنيكالىق بايقاۋدان وتكەندى راستايتىن قۇجات، ونسىز اۆتوموبيل ەلدە جۇرە المايدى. كارتانى مىندەتتى تەحنيكالىق بايقاۋدان ءوتۋ ەرەجەلەرىنە سايكەس تەحنيكالىق بايقاۋ ورتالىقتارى (وپەراتورلار) بەرەدى.
ال، دياگنوستيكالىق كارتانىڭ كۇشىن جويۋدى «مىندەتتى تەحنيكالىق قاراپ- تەكسەرۋ» ءبىرىڭعاي اقپاراتتىق جۇيەسىنىڭ وپەراتورى جانە جۇمىس توبى جۇيەگە كەلىپ تۇسەتىن دەرەكتەردى مونيتورينگىلەۋ كەزىندە جۇزەگە اسىرادى.
«جىل سايىن ءبىز جالعان تەحنيكالىق بايقاۋدان انىقتالعان وپەراتورلاردىڭ جۇمىسىن توقتاتامىز. تەك 2021 -جىلدىڭ وزىندە 249 ورتالىق يەسىنىڭ جۇيەگە قول جەتكىزۋى توقتاتىلدى، ال 2022 -جىلى بۇل كورسەتكىش 168 گە دەيىن تومەندەدى. تەحنيكالىق بايقاۋدان ءوتۋ ەرەجەلەرىن بۇزعان جاعدايدا تەكسەرۋ ورتالىقتارىنىڭ يەلەرى عانا ەمەس، سونىمەن قاتار كولىك يەسىنىڭ ءوزى دە جاۋاپتى. جالعان تەحنيكالىق بايقاۋدىڭ سالدارى - تەحنيكالىق بايقاۋ ستانسياسىندا جۇمىس ىستەۋگە رۇقساتتىڭ كۇشى جويىلىپ قانا قويمايدى، سول ۇيىم بەرگەن بارلىق تەكسەرۋ دەرەكتەرى دە جويىلادى»، - دەيدى «ۇلتتىق اقپاراتتىق تەحنولوگيالار» ا ق باسقارما ءتوراعاسى روستيسلاۆ كونياشكين.
ايتا كەتسەك، پرەمەر-مينيستر ءاليحان سمايىلوۆ اۆتوكولىكتى تەحنيكالىق بايقاۋدان دۇرىس وتكىزبەگەن ورتالىقتارعا قاتىستى جاۋاپكەرشىلىك كۇشەيتىلەتىنىن ءمالىم ەتكەن بولاتىن.