سانكسيا قازاقستان مەن رەسەي اراسىنداعى ساۋداعا اسەر ەتسە، ونىڭ زاردابى اۋىر بولادى – س ءى م

استانا. قازاقپارات - بىلتىردان باستاپ قازاقستان رەسەيگە اسكەري ماقساتتاعى تاۋارلاردى جەتكىزۋدى تولىق توقتاتتى.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە سىرتقى ىستەر ءمينيسترىنىڭ ورىنباسارى الماس ايداروۆ ايتتى، دەپ حابارلايدى قازاقپارات ءتىلشىسى.

«بىلتىردان باستاپ رەسەيگە اسكەري ماقساتتاعى تاۋارلاردى جەتكىزۋدى تولىق توقتاتتىق. سونىمەن قاتار، ەلەكتروندى شوت- فاكتۋرالار ارقىلى سانكتسيا سالىنعان بارلىق تاۋارلارعا مونيتورينگ جاسالادى. «ءبىر كۇندىك» كومپانيالاردى انىقتايمىز، ياعني ەشقانداي قىزمەت كورسەتۋ بويىنشا تاريحى جوق، ءبىر كۇننىڭ ىشىندە قۇرىلعان تاۋار جەتكىزۋشىلەرگە جول بەرمەس ءۇشىن تەكسەرىس جۇرگىزىلەدى. سوندىقتان، قازاقستانعا قاتىستى سانكسيا تاۋەكەلدەرى مەن قاۋىپ كورىپ وتىرعان جوقپىز. ەلىمىز جاناما سانكسيالاردى بولدىرماۋ ءۇشىن شارالار قابىلداپ وتىر»، - دەدى ءمينيستردىڭ ورىنباسارى ب ا ق وكىلدەرىنىڭ ساۋالىنا جاۋاپ بەرە وتىرىپ.

سونداي- اق، الماس ايداروۆ رەسەيگە سالىنعان سانكسيالار ەكى ەل اراسىنداعىى ءداستۇرلى ساۋدا- ساتتىققا اسەر ەتەتىن بولسا، وندا ونىڭ زاردابى اۋىر بولاتىنىن جەتكىزدى.

«ءبىز ءۇشىن سانكسيا سالىنۋى ىقتيمال ەلدەر وربيتاسىنا تۇسكەنىمىزدىڭ ءوزى - زور قاۋىپ. قازاقستاننىڭ مۇنداي مەمەلەكەتتەر قاتارىنا قوسىلماعانى ماڭىزدى. ءبارىمىز بىلەمىز، رەسەيگە قاتىستى ىقتيمال سانكتسيالاردىڭ بارلىعى قولدانىلدى. ەندى ول جاناما سانكتسيالارعا ۇلاسۋى مۇمكىن. ال، قازاقستاننىڭ رەسەيمەن اراداعى تاۋار اينالىمى جىل سايىن 25 ميلليارد دوللار كولەمىندە. ەگەر قازىر ءبىزدىڭ ءداستۇرلى ساۋدا- ساتتىعىمىزعا سانكسيا اسەر ەتسە، وندا ونىڭ قازاقستان مەن رەسەيگە تيگىزەتىن سالدارى اۋىر بولادى. سوندىقتان، ءبىزدىڭ جۇمىستاردىڭ بارلىعى سانكسياعا تۇسپەۋگە باعىتتالادى»، - دەپ تۇيىندەدى الماس ايداروۆ.

قوسا كەتسەك، ءمينستردىڭ ورىنباسارى بىلتىر قازاقستانعا تارتىلعان تىكەلەي شەتەلدىك ينۆەستيتسيالار كولەمى 28 ميلليارد دوللارعا جەتكەنىن اتاپ ءوتتى. بۇل - 2021 -جىلعى كورسەتكىشتەردەن ,7 عا ارتىق. الماس ايداروۆتىڭ ايتۋىنشا، اتالعان مەجە - كەيىنگى 10 جىلداعى رەكوردتىق كورسەتكىش.