«وسى قاۋلىنىڭ قوسىمشاسىنا سايكەس، جالپى اۋدانى 4831,86 گەكتار ساۋران اۋدانىنىڭ جەرىن قوسۋ جانە جالپى اۋدانى 4716,29 گەكتار تۇركىستان قالاسىنىڭ جەرىن ساۋران اۋدانىنىڭ شەكاراسىنا قوسۋ ارقىلى تۇركىستان قالاسىنىڭ شەكاراسى وزگەرتىلسىن. بۇل تۋرالى ءماسليحات پەن اكىمدىكتىڭ قاۋلىسىنا كەلىسىم بەرىلسىن»، - دەلىنگەن پرەمەر- مينيستر ءاليحان سمايىلوۆ قول قويعان ۇكىمەت قاۋلىسىندا.
تۇركىستان قالاسىنىڭ شەكاراسىن كەڭەيتۋدى كوزدەيتىن قۇجات رەسمي جاريالانعاننان 10 كۇن ءوتىپ بارىپ، 29- شىلدەدە كۇشىنە ەنەدى.
قوسا كەتسەك، بۇعان دەيىن قاراعاندى قالاسىنىڭ اۋماعى ۇلعايۋى مۇمكىن ەكەنىن جازىپ ەدىك.
سونىمەن قاتار، كاسپي تەڭىزى اكۆاتورياسىنىڭ باستاپقى سىزىعى اراسىنداعى جەردى قوسۋ ەسەبىنەن ماڭعىستاۋ وبلىسىنىڭ شەكاراسى كەڭەيتىلگەن بولاتىن.