ش ق و-داعى بەرەل ورمان شارۋاشىلىعىنان ءورت شىقتى

استانا. قازاقپارات - 2023 -جىلعى 18-شىلدەدە كاتونقاراعاي اۋدانىندا بەرەل ورمان شارۋاشىلىعىنىڭ اۋماعىندا شامامەن 1700 مەتر بيىكتىكتە ءتۇتىن وشاعى بايقالدى، دەپ حابارلايدى قازاقپارات.

وقعا ورنىنا بىردەن كازاۆياورمان كۇزەتىنىڭ مي-2 تىكۇشاعى شىعىپ، ورمانشىلار مەن ءورت سوندىرۋشىلەردى جەتكىزدى. اۋەدەن بارلاۋ ناتيجەسىندە شامامەن 2,5 گەكتار اۋماقتا جالعىز وسكەن اعاشتار ورتەنىپ جاتقانى بايقالدى. ەلدى مەكەندەرگە ءقاۋىپ ءتونىپ تۇرعان جوق.

قازىرگى ۋاقىتتا شىعىس قازاقستان وبلىسى اۋە- دەسانتتىق ديۆيزياسىنىڭ مي-8 تىكۇشاعى ءورت ورنىنا دەسانتتاردى جەتكىزۋ جۇمىستارىن جۇرگىزۋدە.

ءورتتى سوندىرۋگە 67 ورمانشى مەن ءورت ءسوندىرۋشى، 6 بىرلىك تەحنيكا، «قازاۆياورمانكۇزەتى» م م ي-2 جانە ش ق و اۆياتسيالىق بولىمشەسىنىڭ مي-8 تىكۇشاقتارى جۇمىلدىرىلدى.