«ايىپتالۋشى سەرىك كۇدەبايەۆ بيىل 15-ناۋرىزدا شامامەن ساعات 4:30-دا قىلمىستىق جوسپارعا سايكەس، كەگەن اۋدانىنداعى تىكەندى سىمنان جاسالعان شەكارا قورشاۋىن كوتەرىپ، وتكىزۋ پۋنكتىنەن تىس اۋماق ارقىلى قازاقستان- قىرعىزستان شەكاراسىن زاڭسىز كەسىپ وتكەن. وسىلايشا، ك. ماناس اۋەجايى ارقىلى تۇركياعا ۇشىپ، جازادان جالتارماق بولدى. ۇستالعاننان كەيىن ول قازاقستانعا ەكستراديتسيالاندى»، - دەلىنگەن الماتى وبلىسى كەگەن اۋداندىق سوتىنىڭ باسپا ءسوز قىزمەتى تاراتقان حابارلامادا.
ايتا كەتەيىك، كەشە ەكس- گەنەرال سەرىك كۇدەبايەۆقا وسى قىلمىسى ءۇشىن سوت ۇكىمى شىقتى.
بۇعان دەيىن سوتتالۋشى پروتسەستىك كەلىسىم جاساعىسى كەلەتىنىن ايتىپ ءوتىنىش بىلدىرگەن.
ەستەرىڭىزگە سالا كەتەيىك، سەرىك كۇدەبايەۆ 28-ءساۋىر كۇنى 10 جىلعا سوتتالعان بولاتىن.
وعان لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلدى.
ول بيىلعى 30-ناۋرىز كۇنگى سوت وتىرىسىنا كەلمەدى. سوندىقتان ونى سوتقا ءماجبۇرلى تۇردە جەتكىزۋ جونىندە قاۋلى شىقتى.
ارتىنشا گەنەرالدىڭ ەلدەن قاشىپ كەتكەنى بەلگىلى بولىپ، تالدىقورعان قالالىق سوتى سەرىك كۇدەبايەۆقا حالىقارالىق ىزدەۋ جاريالادى.
27-ساۋىردە سەرىك كۇدەبايەۆ تۇركيادا ۇستالىپ، ەلگە جەتكىزىلدى.
الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان ەدى.