قازاقستان كۇرىشى قاي ەلدەرگە ەكسپورتتالادى
بۇل ءبىر جىل بۇرىنعىدان 19 پايىز از، دەپ حابارلايدى قازاقپارات ءتىلشىسى energyprom.kz پورتالىنا سىلتەمە جاساپ.
وڭىرلەر ىشىندە بارلىق ءونىمنىڭ 90,4 پايىزى ءداستۇرلى تۇردە قىزىلوردا وبلىسىنىڭ ۇلەسىنە تيەدى: 65,2 مىڭ توننا، جىلدىق كەمۋى 21,3 پايىز. الماتى، تۇركىستان جانە جەتىسۋ وبلىستارىندا دا تيىسىنشە 4,7 مىڭ، 2 مىڭ جانە 138 توننا ءوندىرىلدى.
جالپى، 2022 -جىلى رەسپۋبليكا بويىنشا 213,4 مىڭ توننا كۇرىش ءوندىرىلدى. بۇل ءبىر جىل بۇرىنعىدان 1,8 پايىزعا كوپ.
بيىل قاڭتار- ءساۋىر ايلارىنىڭ قورىتىندىسىندا قازاقستاندىق كۇرىششىلەر سەكتورداعى سۇرانىستى (ىشكى نارىقتاعى ساتۋ جانە ەكسپورت) ءبىر جىل بۇرىنعى 95,3 پايىزدىڭ ورنىنا 91,9 پايىز قامتاماسىز ەتتى. يمپورتتىڭ ۇلەسى 8,1 پايىز ءوستى: ەلگە 5,1 مىڭ توننا كۇرىش اكەلىندى، بۇل ءبىر جىل بۇرىنعىدان 45,5 پايىزعا كوپ.
اعارتىلعان كۇرىش ەكسپورتى بۇل رەتتە 11,8 پايىزعا ارتىپ، 32 مىڭ توننا بولدى. ال پايدالانىلعان رەسۋرستارداعى ەكسپورت ۇلەسى بىلتىرعى 38,2 پايىزدان بيىل 50,6 پايىزعا ءوستى.
ىشكى نارىقتاعى ساتىلىم، كەرىسىنشە، ءبىر جىلدا بىردەن 32,6 پايىزعا، 31,3 مىڭ تونناعا دەيىن قىسقاردى.
بيىل قاڭتار- ءساۋىر قورىتىندىسى بويىنشا قازاقستاننان 11,3 ميلليون ا ق ش دوللارى سوماسىنا 32,7 مىڭ توننا كۇرىشتىڭ بارلىق ءتۇرى ەكسپورتتالدى. ءوسىم فيزيكالىق ماندە 12,3, اقشالاي تۇردە %3,1 پايىز عانا بولدى.
قازاقستاندىق كۇرىشتىڭ باسىم بولىگى تمد ەلدەرىنە جونەلتىلەدى: 11 ميلليون ا ق ش دوللارىنا 32,4 مىڭ توننا. ەكسپورت كولەمدىك ماندە 19,1, قۇندىق ماندە 11,1 پايىز ءوستى. ت م د ەلدەرىنىڭ ىشىندە قازاقستاندىق كۇرىشتىڭ نەگىزگى ساتىپ الۋشىسى وزبەكستان: ءبىر جىل بۇرىن 1 مىڭ توننا بولسا، قازىر 14,3 مىڭ توننا. رەسەي مەن تاجىكستان دا ۇزدىك ۇشتىككە ەندى.
قازاقستان ت م د- عا كىرمەيتىن الەمنىڭ قالعان ەلدەرىنە 309 توننا كۇرىش جونەلتتى. بۇل ءبىر جىل بۇرىنعىدان 84 پايىز از. مۇندا قازاقستاندىق كۇرىش يمپورتى بويىنشا موڭعوليا، ا ق ش جانە گرۋزيا كوش باستاپ تۇر.
ەلىمىزدە بيىل ماۋسىمدا جىلتىراتىلعان جانە تازارتىلعان كۇرىشتىڭ كەلىسى ورتا ەسەپپەن 604 تەڭگەنى قۇراپ، ءبىر جىل بۇرىنعىدان 47,6 پايىز قىمباتتادى.
قر ءىرى قالالارىنىڭ ىشىندە كۇرىش ورالدا (كەلىسى 828 تەڭگە) ، اقتاۋدا (787 تەڭگە) جانە استانادا (721 تەڭگە) ، ەڭ ارزانى تالدىقورعاندا (459 تەڭگە) ، پەتروپاۆلدا (463 تەڭگە) جانە قىزىلوردا (495 تەڭگە) .
كۇرىش باعاسىنىڭ ەڭ كوپ جىلدىق ءوسۋى باتىس قازاقستان وبلىسىندا تىركەلدى: 80,7 پايىز. ودان كەيىن تۇركىستان (74%) جانە اقمولا (64,6%) وبلىستارىندا. ەڭ از جىلدىق ءوسىم اتىراۋ وبلىسىندا تىركەلدى.