«پەنپاي» باسىلىمىنىڭ حابارلاۋىنشا، 2019 -جىلى ناۋرىزدا جياۋزو قالاسىنداعى بالاباقشالاردىڭ بىرىندە بالالاردىڭ تاماقتان جاپپاي ۋلانۋى تىركەلگەن. پوليتسيا تەرگەۋدەن كەيىن انىقتالعانداي، تاربيەشى ۆان يۋن بالالاردىڭ تاڭعى اسىنا ناتري نيتراتىن قوسقان. 25 بالا زارداپ شەگىپ، ولاردىڭ ءبىرى 10 اي ەم قابىلداعاننان كەيىن كوز جۇمعان.
ونىڭ قىلمىسقا بارۋىنا بالاباقشاداعى ارىپتەستەرىنىڭ بىرىمەن تۋىنداعان جانجال تۇرتكى بولعان.
جەرگىلىكتى ب ا ق-تىڭ جازۋىنشا، اتا-انالار بۇرىنعى تاربيەشىنىڭ كەشىرىمىن قابىلداماعان. سونداي-اق، تەرگەۋ بارىسىندا تاربيەشى بالالاردى ويلاماعانىن، ارىپتەسىنەن كەك الماقشى بولعانىن مويىنداعان.
تەرگەۋشىلەر 2017 -جىلى ايەلدىڭ كۇيەۋىمەن تۇرمىستىق جانجال كەزىندە ونىڭ سۋسىنىنا ناتري نيتراتىن قوسقانىن انىقتادى. سالدارىنان كۇيەۋى ورتا دەڭگەيدە ۋلانعان.
ۋلاۋشى 13-شىلدەدە دارعا اسىلدى.
ەسكە سالايىق، تاياۋدا قىتايدىڭ گۋاندۋڭ پروۆينسياسىندا بالاباقشاعا ەر ادام پىشاقپەن شابۋىلداعان. التى ادام قازا تاپتى.
اۆتور:
اقبوپە ءابدراسۋل