جاپونيادا سىناق وتكىزۋ كەزىندە زىمىران تاسىعىش جارىلدى

زىمىران تاسىعىش ىسكە قوسىلىپ، كوككە كوتەرىلە باستاعان ءبىرىنشى مينۋتتا جارىلعان.

ءمالىم بولعانداي، اتالعان سىناقتى وتكىزىلگەن «Noshiro Testing Center» قىزمەتكەرلەرىنىڭ ەشقايسىسى زارداپ شەككەن جوق.

«Epsilon S» - بۇل JAXA ازىرلەگەن عارىش- سپۋتنيۋتىك «Epsilon» زىمىرانىنىڭ جەتىلدىرىلگەن نۇسقاسى.

وسى تيپتەگى العاشقى راكەتا 2013 -جىلى ۇشىرىلعان. بىلتىر كوككە كوتەرىلگەن «Epsilon-6» جوسپارلانعان تراەكتوريادان اۋىتقىپ، كەيىن ول جاساندى جارىلىس ارقىلى جويىلعان ەدى.

جاپونيانىڭ اەروعارىشتىق زەرتتەۋلەر اگەنتتىگى «Epsilon S» زىمىرانىن ۇشىرۋدى كەلەر جىلعا شەگەردى. ويتكەنى وندا دا Epsilon-6 سياقتى جانارماي باگى قولدانىلادى.

نەگىزىنەن «Epsilon» سەريالى زىمىراندارى قاتتى وتىندى پايدالانادى. سوندىقتان ونىڭ سۇيىق وتىنمەن جۇمىس ىستەيتىن راكەتالارعا قاراعاندا ۇشۋعا دايىندالۋ پروتسەسى كۇردەلى ەمەس.