بيىل ۇ ب ت-دان جوعارى بالل جيناعان تۇلەكتەردىڭ سانى نەگە از بولدى
بىلتىر 3179 تالاپكەر 120 دان استام بالل جيناسا، 2023 -جىلى ولاردىڭ سانى 2868 بولدى. ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ۇ ب ت ناتيجەسى بويىنشا سالىستىرمالى كەستەلەردى ءبولىستى، دەپ حابارلايدى قازاقپارات.
ءبىرىنشى كەستەدە ءۇش نەگىزگى ءپان بويىنشا سالىستىرمالى ناتيجە كورسەتىلگەن.
بيىل «قازاقستان تاريحى» (20 تەست تاپسىرماسى، 2022 -جىلى - 15) جانە «وقۋ ساۋاتى» (15 تەست تاپسىرماسى، 2022 -جىلى - 20) پاندەرىنىڭ سۇراقتار سانىنا وزگەرىستەر ەنگىزىلگەنىن الدىن الا اتاپ وتكەن ءجون.
ەگەر وسى پاندەردىڭ ورتاشا بالدارىن سالىستىراتىن بولساق، وندا ولار ءبىر دەڭگەيدە قالىپ وتىر. ال «ماتەماتيكا ساۋاتى» پانىنەن ناتيجەنىڭ 0,8 بالعا جاقسارعانى بايقالادى.
ەكىنشى كەستەدە بەيىندىك پاندەر كومبيناتسياسى اياسىندا جينالعان ەڭ جوعارى/ورتاشا بالدار تۋرالى اقپارات ۇسىنىلعان.
مالىمەتكە سايكەس، ورتاشا كورسەتكىش 6 بالعا وسكەن. اسىرەسە «دۇنيەجۇزى تاريحى»، «حيميا»، «قازاق ادەبيەتى» جانە «ورىس ادەبيەتى» پاندەرىنەن كورسەتكىشتىڭ جاقسارعانى ەرەكشە بايقالادى.
بۇل - تالاپكەرلەردىڭ جاقسى دايىندىعى مەن ۇ ت و تاراپىنان قولداۋ شارالارىنىڭ ناتيجەسى.
ەستەرىڭىزدە بولسا، وقۋ جىلىنىڭ باسىندا testcenter.kz سايتىندا تاريحتان 100 داتا، قازاق جانە ورىس ادەبيەتىنەن شىعارمالار ءتىزىمى ورنالاستىرىلىپ، ۇ ب ت- نىڭ وزىندە تالاپكەرلەرگە مەندەلەيەۆ جانە تۇزدار ەرىگىشتىگى كەستەلەرىنىڭ قاعاز نۇسقالارى بەرىلدى.
سونداي-اق، بيىل العاش رەت تالاپكەرلەرگە ءار ءپاننىڭ تاقىرىپتارى بويىنشا تەست جوسپارى جاريالاندى.
سونىمەن قاتار، ولارعا ونلاين بايقاۋ سىناقتارى مەن تەگىن ونلاين ساباقتار قولجەتىمدى بولدى.
ءارى قاراي دياگرامما شەكتى بالل جيناعان بارلىق تالاپكەردىڭ ناتيجەلەرىن كورسەتەدى.
ايتا كەتەيىك، 2022 -جىلى - 102 مىڭ، 2023 -جىلى 135 مىڭ ادام شەكتى بالدى ەڭسەردى. 2022 -جىلى جانە 2023 -جىلى تالاپكەرلەردىڭ نەگىزگى ۇلەسى 50 دەن 89 بالعا دەيىن جينادى.
الايدا، 2023 -جىلى جوعارى بالل جيناعان تەست تاپسىرۋشىلاردىڭ سانى ازداپ تومەندەپ وتىر.
ەگەر 2022 -جىلى 3179 ءتۇسۋشى 120 دان استام بالل جيناسا، 2023 -جىلى ولاردىڭ سانى 2868 بولدى.
سونداي-اق، 2022 -جىلى ەڭ جوعارى بالل 138 بالدى، (پوستمونيتورينگتەن كەيىن 139 بالل جيناعان تالاپكەرلەردىڭ سەرتيفيكاتتارى جويىلدى)، 2023 -جىلى - 137 بالل.
«جازبامنىڭ سوڭىندا ەستەرىڭىزگە سالا كەتەيىن، 31-قازانعا دەيىن تەستىلەۋدىڭ بەينەجازباسىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجە بۇزۋ فاكتىلەرى انىقتالعان جاعدايدا تالاپكەردىڭ ۇ ب ت ناتيجەسى جويىلادى. 2022 -جىلى مۇنداي تەكسەرىستەن كەيىن 217 ادامنىڭ ناتيجەسى جويىلدى»، - دەپ اتاپ ءوتتى ورتالىق ديرەكتورى.