قاڭتاردا الماتى اۋەجايىن باسىپ الۋ ءىسى: ايىپتالۋشىلارعا سوت ۇكىمى شىقتى
سوت ايىپتالۋشىلاردى كىنالى دەپ تانىپ، ولارعا ۇكىم شىعاردى:
ايگەرىم تىلەۋجانوۆا - 4 جىلعا، قالاس نۇرپەيىسوۆ - 8 -جىلعا باس بوستاندىعىنان ايىرىلدى.
نۇرلان دالىبايەۆ، ەرمۇحامەت شىلىبايەۆ پەن جانايدار كارمەنوۆ تە 8 جىلدان ارقالادى.
تىلەۋجانوۆا مەن نۇرپەيىسوۆ جاپپاي تارتىپسىزدىك ۇيىمداستىردى (ق ر ق ك 272-بابىنىڭ 1-بولىگى) دەپ ايىپتالسا، دالىبايەۆ، شىلىبايەۆ جانە كارمەنوۆ اۋەجايدىڭ ستراتەگيالىق وبەكتىلەرى مەن «كازاەروناۆيگاتسيا» ر م ك شابۋىل جاساۋ جانە باسىپ الۋ كەزىندە زورلىق- زومبىلىق، ورتەۋ، مۇلىكتى قيراتۋ جانە جويۋمەن قاتار جۇرگەن جاپپاي تارتىپسىزدىككە (ق ر ق ك 272-بابىنىڭ 2-بولىگى) قاتىستى دەگەن كۇدىككە ءىلىندى.
بۇعان دەيىن پروكۋرور قاڭتار وقيعاسى كەزىندە الماتى اۋەجايىن باسىپ الۋ ءىسى بويىنشا ايىپتالۋشىلاردى 5 جىلدان 11 جىلعا دەيىن باس بوستاندىعىنان ايىرۋدى سۇراعان بولاتىن.
ۇكىم زاڭدى كۇشىنە ەنگەن جوق.
ەستەرىڭىزگە سالا كەتەيىك، بەلسەندىلەر ايگەرىم تىلەۋجان مەن قالاس نۇرپەيىسوۆ، سونداي- اق نۇرلان دالىبايەۆ، ەرمۇحامەت شىلىبايەۆ جانە جانايدار كارمەنوۆكە اۋەجايدى باسىپ الدى دەگەن ايىپ تاعىلعان.
بۇعان دەيىن الماتى اۋەجايى جەلىلىك پوليتسيا ءبولىمىنىڭ بۇرىنعى باستىعى تالعات ءتالىپوۆ قاڭتار وقيعاسى كەزىندە بيلىك پەن لاۋازىمدىق وكىلەتتىگىن اسىرا پايدالانعانى ءۇشىن كىنالى دەپ تانىلعان بولاتىن.
سۋديا سوتتالۋشىنى 5 جىل مەرزىمگە مەملەكەتتىك قىزمەتتە بەلگىلى ءبىر لاۋازىم اتقارۋ قۇقىعىنان، سونداي- اق 6 جىلعا باس بوستاندىعىنان ايىرۋ جازاسىن تاعايىندادى.
بۇدان بولەك ول پوليتسيا پودپولكوۆنيگى اتاعىنان ايىرىلدى.