قاسىم- جومارت توقايەۆ ەلورداداعى مىڭجىلدىق اللەياسىن دامىتۋمەن شۇعىل اينالىسۋدى تاپسىردى
«ەلوردانىڭ ءبىرىڭعاي ساۋلەتتىك كەلبەتىن قالىپتاستىرۋ ءۇشىن پارمەندى ءىس- شارالار قابىلداۋ قاجەت. ازىرلەنگەن ءبىرىڭعاي ديزاين- كود ءىس جۇزىندە رەسمي قۇجاتقا اينالدى. سالىنىپ جاتقان نىساندار ءبىر- بىرىمەن ۇيلەسپەيدى، ءبىرىڭعاي ستيل جوق، ەكلەكتيكا بار. ەلوردانى مانەرسىز ءبىر ۇلگىدەگى عيمارات- قوراپتار تولتىردى. ولاردىڭ قۇرىلىس ساپاسى كوبىنەسە ەشقانداي سىنعا توتەپ بەرە المايدى. بۇل تۇرعىن ۇيگە دە، كەڭسە ءۇي- جايلارىنا دا قاتىستى. ءبىراق بۇل كوپتەگەن ونداعان جىلدار بويى قالانىڭ ساۋلەتتىك كەلبەتىن انىقتايدى عوي»، - دەدى پرەزيدەنت.
مەملەكەت باسشىسىنىڭ اتاپ وتۋىنشە، جاڭا نىساندار جالپى قالا قۇرىلىسى تۇجىرىمداماسىنان شىعىپ كەتپەۋى ءتيىس. مۇنى ازىرلەۋشىلەردەن دە ۇنەمى تالاپ ەتۋ ماڭىزدى.
«ۇيعارىم بويىنشا ەلوردانىڭ ۆيزيتتىك كارتالارىنىڭ بىرىنە اينالۋى ءتيىس بولعان مىڭجىلدىق اللەياسىنىڭ قالاي سالىنىپ جاتقانىن قاراڭىزدار. تۇپتەپ كەلگەندە ءبىز تالعامسىز، ۇسقىنسىز قاسبەتتەرى بار، بارلىق جەرى لاس، اعاشتاردىڭ ورنىنا قۋراعان بۇتاقتار جانە ينجەنەرلىك ينفراقۇرىلىمىندا كوپتەگەن پروبلەما بار ەكى بەيشارا كوشە الدىق. ونىڭ ۇستىنە، وسى اللەياداعى جالعىز الاڭ جەكە كومپانياعا تۇرعىن ءۇي سالۋعا بەرىلگەن. بۇل مۇلدەم قولايسىز. باس جوسپاردا كوزدەلگەن سكۆەرلەردى قايتارۋدى جانە مىڭجىلدىق اللەياسىن جۇيەلى دامىتۋمەن شۇعىل اينالىسۋدى تاپسىرامىن. مەن قالانى كوگالداندىرۋعا، ونى اباتتاندىرۋعا، گۇلزارلار مەن ساياباقتاردى دامىتۋعا ەرەكشە نازار اۋدارامىن. بۇل تەك استاناعا عانا ەمەس، بارلىق وبلىس ورتالىقتارىنا جانە ارينە، الماتىعا دا قاتىستى»، - دەدى قاسىم- جومارت توقايەۆ.