الماتىدا «دوستىق ديالوگى: قازاقستان- قىتاي كاسىپورىنداردىڭ ساۋدا كورمەسى» بيزنەس- فورۋمى ءوتتى.

استانا. قازاقپارات - قازاقستان مەن قىتاي اراسىنداعى ءوزارا ءتيىمدى ىنتىماقتاستىق، اسىرەسە، ەكونوميكالىق سالادا تۇراقتى تۇردە كەڭەيىپ كەلەدى.

بيىل قىتاي حالىق رەسپۋبليكاسىنىڭ ءتوراعاسى شي جينپيننىڭ قازاقستانعا ساپارى، ودان كەيىن قازاقستان پرەزيدەنتى قاسىم- جومارت توقايەۆتىڭ شيانعا ساپارى قازاق- قىتاي قارىم- قاتىناسىنىڭ جاڭا پاراعىن اشتى. بۇل ساپارلار ساياسي ديالوگتى ساپالى جاڭا دەڭگەيگە كوتەرىپ، ەكىجاقتى قارىم- قاتىناستاردىڭ تۇراقتىلىعىنا ىقپال ەتتى.

جاقىندا الماتىدا «دوستىق ديالوگى: قازاقستان- قىتاي كاسىپورىنداردىڭ ساۋدا كورمەسى» بيزنەس- فورۋمى ءوتتى. فورۋمدا ەكونوميكا مەن ساۋدانىڭ، ينۆەستيتسيالىق جانە ءوڭىرارالىق ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارى؛ لوگيستيكا مەن كولىك، ءوندىرىس پەن وڭدەۋ، اقىلدى اۋىل شارۋاشىلىعى سالاسىنداعى ىنتىماقتاستىق سىندى تاقىرىپتاردى تالقىلاۋ ارقىلى ەكى ەلدىڭ كاسىپكەرلەرى ءوزارا تاجىريبە الماسىپ، كەلىسىمگە كەلۋگە مۇمكىندىك الدى.

ءىس- شارانىڭ نەگىزگى ماقساتى: قىتاي مەن قازاقستانداعى ىسكەر توپتار ءۇشىن ەكونوميكالىق جانە ساۋدا الماسۋ الاڭىن قۇرۋعا باعىتتالعان.

فورۋمعا ش ۇ ا ر ىلە قازاق اۆتونوميالى وبلىسى پرەفەكتۋراسىنىڭ پارتيالىق- ۇكىمەتتىك دەلەگاتسياسى جانە الماتى قالاسىنداعى ق ح ر باس كونسۋلى جيان ۆەي ، «KAZAKH INVEST» ۇ ك» ا ق الماتى قالاسىنداعى وكىلدىگىنىڭ باسشىسى احمەتبەكوۆ ولجاس عابدوللا ۇلى، الماتى قالاسىنىڭ كاسىپكەرلەر پالاتاسى حالىقارالىق ىنتىماقتاستىق باسقارماسىنىڭ باسشىسى اينۇر باسپاقوۆا، جانە 200 گە جۋىق بيزنەس وكىلدەرى قاتىستى.

باس كونسۋل جيان ۆەي ءوز سوزىندە «قىتاي- ورتالىق ازيا» ءسامميتىنىڭ جاقىندا شيان قالاسىندا ءساتتى وتكەنىن جانە ەكى مەملەكەت باسشىلارىنىڭ تاريحي كەزدەسۋى ەكى جاقتىڭ ءارتۇرلى سالالارداعى ىنتىماقتاستىعىنا كۇشتى سەرپىن بەرگەنىن ايتتى . ش ۇ ا ر ىلە قازاق اۆتونوميالى وبلىسى مەن الماتى وبلىسى پرەفەكتۋرالارى ەكى ەل اراسىنداعى اشىقتىق پەن ىنتىماقتاستىقتى ىلگەرىلەتەتىن پلاتسدارمدار رەتىندە، قول جەتكىزىلگەن كونسەنسۋستى جۇزەگە اسىرۋ ءۇشىن ساۋدا جانە ينۆەستيتسيا سالاسىندا كەڭىرەك جانە تەرەڭىرەك الماسۋلار مەن ىنتىماقتاستىقتى جۇزەگە اسىرادى دەپ ويلايمىن. ەكى مەملەكەت باسشىلارى ايماقتىق ەكونوميكالىق يننوۆاتسيالار مەن دامۋدى ىلگەرىلەتۋ جانە ەكىجاقتى ەكونوميكالىق جانە ساۋدا قارىم- قاتىناستارىنىڭ ساپاسىن ارتتىرۋدى ايتتى. وسىعان ۇلەس قوسۋىمىز قاجەت» - دەدى

ەكونوميكالىق جانە ساۋدا فورۋمىندا «Jinyi Group» قازاقستاندىق «Di Food Company» ج ش س- مەن جەمىس- جيدەك پەن كوكونىستەردى ساتۋ بويىنشا 30 ميلليون دوللارلىق كەلىسىم- شارتقا قول قويدى؛ «CentraI Asia Transport Trading CO» ج ش س- مەن جەل قۋاتىن ءىرى كولەمدەگى جابدىقتاردى تاسىمالداۋعا 200 ميلليون دوللارلىق كەلىسىمشارتقا قول قويدى.