ءىنىسى - وبلىس اكىمى، بالاسى - باسقارما باسشىسى: قازاقستانداعى اعايىندى شەنەۋنىكتەر

استانا. قازاقپارات - شىنىندا دا، اتقارىلعان جۇمىس، ىستەلگەن ەڭبەك ەلەنىپ جاتىر ما، الدە باۋىرلارىنىڭ شەندى قىزمەتتە بولۋىنىڭ سەپتىگى ءتيدى مە، ول جاعى بەلگىسىز.

دەگەنمەن قازاقستاندا مينيسترلەر مەن اكىمدەر اراسىندا اعايىندىلار، باۋىرلار جەتەرلىك.

ماسەلەن، ۇلتتىق ەكونوميكا ءمينيسترى الىبەك قۋانتىروۆتىڭ ءىنىسى ەرمەك قۋانتىروۆ ەلىمىزدەگى ءىرى كومپانيالاردىڭ ءبىرىنىڭ ديرەكتورى بولىپ تاعايىندالعان ەدى. Massaget.kz شەندى قىزمەتتە جۇرگەن اعايىندىلار كىمدەر ەكەنىنە شولۋ جاسادى.

ۇلتتىق ەكونوميكا ءمينيسترى الىبەك قۋانتىروۆتىڭ وزىنەن 6 جاس كىشى ءىنىسى ەرمەك قۋانتىروۆ «قازاتومونەركاسىپ» كومپانياسىنا 5-شىلدەدەن باستاپ قۇقىقتىق سۇيەمەلدەۋ جانە ساتىپ الۋ جونىندەگى باس ديرەكتورى قىزمەتىنە تاعايىندالدى.

اعايىندى قۋانتىروۆتار

ەرمەك قۋانتىروۆ پرەزيدەنتتىك جاستار كادرلىق رەزەرۆىنىڭ مۇشەسى، قازاقستان رەسپۋبليكاسى ادىلەت مينيسترلىگىندە ءارتۇرلى باسشىلىق لاۋازىمداردا جۇمىس ىستەگەن. ول 1989 -جىلى دۇنيەگە كەلگەن.

ايتا كەتەيىك، «قازاتومونەركاسىپ» ۇ ا ك» ا ق - ۋران، سيرەك مەتالدار، اتوم ەلەكتر ستانتسيالارىنا ارنالعان يادرولىق وتىن يمپورتى مەن ەكسپورتى بويىنشا قازاقستان رەسپۋبليكاسىنىڭ ۇلتتىق وپەراتورى. ۇلتتىق اتوم كومپانياسىنىڭ اكتيۆتەرى گەولوگيالىق بارلاۋ، ۋران ءوندىرۋ، يادرولىق وتىن تسيكلىنىڭ ونىمدەرىن وندىرۋمەن اينالىسادى.

الماتى وبلىسىنىڭ اكىمى مارات سۇلتانعازيەۆتىڭ باۋىرى قۋات سۇلتانعازيەۆ تە وسى وبلىستا اۋدان اكىمى بولعان. الايدا كەيىن ونىڭ ءوڭىر باسشىسى بولىپ تاعايىندالۋى ءىنىسىنىڭ قىزمەتىنە اسەر ەتكەن.

«زاڭ بويىنشا جاقىن تۋىستارىمىزبەن تىكەلەي باعىنىشتىلىقتا جۇمىس ىستەي المايمىز. تيىسىنشە، ول جۇمىستان شىعۋعا ءماجبۇر بولدى. جۇمىسىمنىڭ ءبىرىنشى كۇنى ارىز جازدى. الايدا وعان باسقا ايماققا اۋىسۋ تۋرالى ۇسىنىستار ءتۇستى. ءبىراق وعان وسىندا قالۋ ماڭىزدى بولدى، ويتكەنى وتباسى، بالالارى وسى وڭىردە تۇرادى. سوندىقتان قالدى»، - دەدى اكىم سۇحباتتارىنىڭ بىرىندە.

اعايىندى سۇلتانعازيەۆتەر

سۇلتانعازيەۆتىڭ سوزىنشە، بۇرىن اۋدان اكىمى بولعان باۋىرى قازىر قازاق ۇلتتىق اگرارلىق زەرتتەۋ ۋنيۆەرسيتەتىندە جۇمىس ىستەيدى.

ايتا كەتەيىك، قۋات ەلەۋسىز ۇلى سۇلتانعازيەۆ 1975 -جىلى تۋعان. ال مارات ەلەۋسىز ۇلى سۇلتانعازيەۆ 1976 -جىلى دۇنيەگە كەلگەن.

مارقۇم شەنەۋنىك بەردىبەك ساپاربايەۆ 2022 -جىلى 7-ساۋىردە جامبىل وبلىسىنىڭ اكىمى قىزمەتىنەن كەتكەن بولاتىن. جەلىدە ساپاربايەۆتىڭ ايماق تۇرعىندارىمەن جىلاپ قوشتاسقان ۆيدەوسى دا تارالعان ەدى. ءدال وسى كۇنى ەكى اعايىندىنىڭ ءبىرى - بەردىبەك ساپاربايەۆ وبلىس اكىمى قىزمەتىنەن كەتسە دە، وزگە وڭىردە ءىنىسى نۇرلىبەك نالىبايەۆ ءدال وسىنداي قىزمەتكە كەلدى. 7-ساۋىردە نۇرلىبەك نالىبايەۆ قىزىلوردا وبلىسىنا جاڭا اكىم بولىپ تاعايىندالدى.

نۇرلىبەك نالىبايەۆ

ول 1976 -جىلى 13-قازاندا قىزىلوردا وبلىسىنىڭ جاڭاقورعان اۋدانىندا تۋعان. جامبىل وبلىسىنىڭ ەكس-اكىمى بەردىبەك ساپاربايەۆ تا قىزىلوردا وبلىسى جاڭاقورعان اۋدانىندا دۇنيەگە كەلگەن. اشىق دەرەككوز مالىمەتىنە سۇيەنسەك، نۇرلىبەك نالىبايەۆتىڭ اكەسى - نالىبايەۆ ماشبەك ساپارباي ۇلى، اناسى - نالىبايەۆا ءبيبىش نۇرمان قىزى. بەردىبەك ساپاربايەۆتىڭ دا اكەسى نالىبايەۆ ماشبەك ساپارباي ۇلى ەكەنى، ال اناسى - نالىبايەۆا ءبيبىش ەكەنى كورسەتىلگەن. دەمەك، ساپاربايەۆتار ءبىر-بىرىنە تۋعان اعالى-ءىنىلى بولىپ كەلەدى.

ەكس-اكىم بەردىبەك ساپاربايەۆتىڭ اقبوتا، باۋىرجان، جانسۇلتان اتتى بالالارى بار.

بەردىبەك ساپاربايەۆتىڭ كەنجە ۇلى دا وسى سالادا، مەملەكەتتىك قىزمەتتە ءجۇر. جانسۇلتان بەردىبەك ۇلى - نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنىڭ باسشىسى.

جانسۇلتان ساپاربايەۆ

ەكس-يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ءىنىسى دە بيلىكتە ءجۇر. ءمادي اتامقۇلوۆ 2021 -جىلى 2-شىلدەدە قازاقستاننىڭ سەربياداعى ەلشىسى قىزمەتىنە تاعايىندالعان بولاتىن. دەرەككوزدەردە ەكەۋىنىڭ دە اكەسىنىڭ اتى باكىر ۇلى ەكەنى كورسەتىلگەن. ەلشىنىڭ كارەراسىنا نازار اۋدارساق، 2003 -جىلدان باستاپ مەملەكەتتىك قىزمەتتەردەن كورىنە باستاعانىن بايقاۋعا بولادى.

بەيبىت، ءمادي اتامقۇلوۆتار

ءمادي اتامقۇلوۆ 2003 -جىلدان باستاپ قازاقستان س ءى م-نىڭ ت م د ىستەرى جونىندەگى كوميتەتىنىڭ ءبىرىنشى حاتشىسى رەتىندە ديپلوماتيالىق قىزمەتتە جۇمىس ىستەي باستاعان. 2006 -جىلدان باستاپ مەملەكەتتىك پروتوكول قىزمەتى ءبولىمىنىڭ باستىعى لاۋازىمىن اتقارىپ، س ءى م ورتالىق اپپاراتىنىڭ وسى بولىمشەسىنىڭ باسشىسىنا دەيىن قىزمەت ەتكەن. 2014-2015 -جىلدارى ق ر پارلامەنتى سەناتىنىڭ اپپاراتى باسشىسىنىڭ ورىنباسارى قىزمەتىن اتقاردى. ال ەلشىلىكتەگى قىزمەتىنە دەيىن 2015 -جىلدان باستاپ ق ر پرەزيدەنتى پروتوكولىنىڭ باسشىسى بولعان.

بيلىكتە جۇرگەن اعالى- ىنىلىلەر تەك بۇلار ەمەس. 2022 -جىلعى 11-قاڭتاردا ق ر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ رومان سكليار تاعايىندالعان ەدى. ول 2000 -جىلداردان باستاپ مەملەكەتتىك قىزمەتكە كەلگەن. ال 2 اپتادان اسا ۋاقىت وتكەندە ونىڭ ءىنىسى ۆاسيلي سكليار پاۆلودار وبلىسىنىڭ پوليتسيا دەپارتامەنتىنە باسشى بولىپ تاعايىندالدى. اشىق دەرەككوز مالىمەتىنە سۇيەنسەك، ول - پرەمەر-ءمينيستردىڭ ءبىرىنشى ورىنباسارىنىڭ ءىنىسى.

رومان، ۆاسيلي سكليار

2019 -جىلى ءوز ەركىمەن قىزمەتتەن كەتكەن يمانعالي تاسماعامبەتوۆتىڭ ءىنىسى قۇرمانعالي تاسماعامبەتوۆ ءدال وسى جىلى مامىردا اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بولىپ تاعايىندالعان ەدى. دەپارتامەنتتىڭ Facebook-پاراقشاسىنداعى مالىمەتكە سۇيەنسەك، بۇل قىزمەتكە كەيىن رۋسلان مامىتوۆيچ كەلگەن.

سۋرەت: اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ Facebook-پاراقشاسىنان

بۇعان دەيىن پرەزيدەنتتىڭ تۋىستارى كەيبىر قىزمەتتەردى اتقارا المايتىنى ايتىلعان بولاتىن.

«پرەزيدەنتتىڭ اعاسى، اپكەسى، بالالارى «سامۇرىق-قازىنا» نەمەسە «بايتەرەك» سياقتى ۇلتتىق كومپانيالاردا باسشىلىق قىزمەت اتقارا المايدى»، - دەگەن ەدى ەكس-ادىلەت ءمينيسترى مۋسين.

ەكس-مينيستر زاڭ قابىلدانسا، بولگارياداعى ەلشى قىزمەتىن اتقارىپ جۇرگەن تەمىرتاي ءىزباستين قىزمەتىنەن كەتەتىنىن جەتكىزگەن ەدى.

تەمىرتاي ءىزباستين قازاقستان رەسپۋبليكاسىنىڭ بولگاريا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە 2019 -جىلعى 1-قاراشادا تاعايىندالعان بولاتىن. اشىق دەرەككوز مالىمەتىنە سۇيەنسەك، ول پرەزيدەنتتىڭ قارىنداسى قارلىعاعا ۇيلەنگەن، ياعني كۇيەۋ بالاسى. ال قازىر بولگارياداعى ەلشى - ۆيكتور تەمىربايەۆ.

تەمىرتاي ءىزباستين

سونىمەن قاتار، اشىق دەرەككوزدە قاسىم-جومارت توقايەۆتىڭ جيەنى قانىش ءىزباستين «بايتەرەك» ۇلتتىق حولدينگىندە باسشىلىق قىزمەتتەن كەتكەنى ايتىلادى. ول 2021 -جىلى ناۋرىزدان باستاپ «بايتەرەك» ۇلتتىق باسقارۋشى حولدينگىنىڭ باسقارما ءتوراعاسىنىڭ ءبىرىنشى ورىنباسارى بولىپ جۇمىس ىستەگەن.

بايتەرەك حولدينگىنىڭ سايتى