تانىمال رەسەيلىك كومپوزيتور الماتىلىق باردى سوتقا بەردى

استانا. قازاقپارات - رەسەيلىك كومپوزيتور ماكسيم فادەيەۆ الماتىداعى جەرگىلىكتى بارلاردىڭ ءبىرىن اۆتورلىق قۇقىعى بۇزىلعانى ءۇشىن سوتقا بەردى.

كومپوزيتور Instagram-پاراقشاسىندا 2019 -جىلى ءانشى نارگيزبەن كەلىسىمشارتتى بۇزعانىن جانە انشىگە ءوزىنىڭ كاتالوگىنداعى اندەردى ورىنداۋعا تىيىم سالعانىن اتاپ ءوتتى.

«ءبىر كەزدەرى ول حالىق الدىندا ءوزىن بايسالدى ۇستايتىن، تىيىم سالىنعانىنا قاراماستان ءبىراز ۋاقىت كوز جۇما قاراپ ءجۇردىم. ءبىراق رەسەي جانە ونىڭ حالقى تۋرالى ايتقان سوزدەرىنەن كەيىن ويىمدى وزگەرتتىم، ول سوزدەرىنەن كەيىن انشىگە ەلگە كىرۋگە 50 جىلعا تىيىم سالىنعان بولاتىن. ءبىر نارسە تۇسىنىكسىز: نەلىكتەن ونىڭ رەپەرتۋارىندا ءالى كۇنگە دەيىن»جاۋ«بولىپ سانالاتىن ورىس تىلىندە اندەر بار؟ نەلىكتەن ول ومىردە دە، ونەردە دە وزبەك تىلىنە اۋىسپايدى؟»، - دەيدى كومپوزيتور.

ءانشى نارگيزدىڭ كونسەرتى الماتىداعى The FRIENDS Bar جانە Terrace بارىندا 26-مامىردا وتكەن. فادەيەۆتىڭ سوزىنشە، ول ونەر كورسەتەر الدىندا ونىڭ زاڭگەرلەرى بارعا كومپوزيتوردىڭ ءانىن ورىنداۋعا تىيىم سالۋ تۋرالى ەسكەرتۋ جاساعان.

«الايدا بار اكىمشىلىگى ول ەسكەرتۋدى ەلەمەدى. ناتيجەسىندە ءبىز كونسەرتتى وتكىزۋ كەزىندە مەنىڭ قۇقىقتارىمدى بۇزۋ فاكتىسىن تىركەدىك جانە سوت ءىسىن الماتى ق. بوستاندىق اۋداندىق سوتىنا جولدادىق»، - دەيدى فادەيەۆ.

اقپارات دەرەككوزى: Massaget.kz