تۇركىستان وبلىسىندا تاۋ باسىنان قۇلاپ كەتكەن تۋريست ءالى تابىلعان جوق
17:31, 10 - شىلدە 2023
تۇركىستان. قازاقپارات - تۇركىستان وبلىسىندا تاۋ باسىنان قۇلاپ كەتكەن ءتۋريستى ىزدەستىرۋ جۇمىستارى جالعاسىپ جاتىر، دەپ حابارلايدى قازاقپارات ءتىلشىسى.
قۇتقارۋشىلار تاۋدان قۇلاپ كەتكەن ءتۋريستىڭ دەنەسىن ىزدەۋ جۇمىستارىنىڭ ۆيدەوسىن ءبولىستى.
«قۇتقارۋ- ىزدەستىرۋ جۇمىستارىنا اۋا رايىنىڭ قولايسىزدىعى كەدەرگى جاساپ وتىر. جولدىڭ كەيبىر بولىكتەرى شامامەن 70 گرادۋس بۇرىشتى قۇرايتىن بيىك شاتقالداردان تۇرادى. بۇل قار ارالاس جاۋىن- شاشىنمەن قاباتتاسىپ، قۇتقارۋشىلاردىڭ جوعارى قاراي كوتەرىلۋىن قيىنداتۋدا» - دەلىنگەن تۇركىستان وبلىسى ت ج د تاراتقان اقپاراتتا.
ايتا كەتەيىك، بۇدان الدىن تۇركىستان وبلىسىندا تاۋعان شىققان 56 جاستاعى ازامات ابايسىزدا شىڭ باسىنان قۇلاپ كەتىپ، قايتىس بولعانىن جازعان بولاتىنبىز.