قازاقستانداعى اقشا ايىرباستاۋ ورىندارىندا رۋبل باعامى تومەندەپ جاتىر

الماتى. قازاقپارات - الماتى مەن استانانىڭ اقشا ايىرباستاۋ پۋنكتتەرىندە رەسەي ۆاليۋتاسىنىڭ تەڭگەگە شاققانداعى باعامى تومەندەدى، دەپ حابارلايدى قازاقپارات ءتىلشىسى.

الماتىداعى اقشا ايىرباستاۋ ورىندارىندا كورشى ەل ۆاليۋتاسى 4,87-5 تەڭگە ارالىعىندا ساتىلىپ جاتىر.

ال، استانادا 4,93 -5,03 تەڭگە ارالىعىندا قۇبىلىپ تۇر.

ەلىمىزدەگى ءۇشىنشى مەگاپوليس شىمكەنتتە رەسەي رۋبلىنىڭ قۇنى - 4,90 -4,97 ارالىعىندا.

5-شىلدە كەشكى ساۋدا قورىتىندىسى بويىنشا، رەسەي ۆاليۋتاسىنىڭ ورتاشا باعامى 4,92 تەڭگە بولعان.

ۇلتتىق بانكتىڭ 10-شىلدەدەگى رەسمي باعامى - 1 رۋبل 4,90 تەڭگە.

ايتا كەتەيىك، ماۋسىم ايىنىڭ سوڭىنداعى رەسەيدەگى جاعدايعا بايلانىستى قازاقستاننىڭ اقشا ايىرباستاۋ ورىندارىندا رەسەيلىك ۆاليۋتا باعامى تۇراقسىز بولىپ تۇر.