گرۋزيادا شاراپتى تەڭىز تۇبىندە ساقتايدى

استانا. قازاقپارات - ءجۇزىم شىرىنىنان ۆينو ازىرلەۋ گرۋزيا مادەنيەتىنىڭ ءبىر بولىگىنە اينالعان كاسىپ. ال ونىڭ ەرەكشەلىگى - كۆيەۆري دەپ اتالاتىن ساز ىدىستىڭ پايدالانىلۋىندا.

ادەتتە ۆينو تولتىرىلعان كۆيەۆري جەر استىنا كومىلەتىن. ال جۋىردا مۇنداي ساز بوتەلكەلەردى تەڭىز تۇبىندە ساقتاۋ يدەياسى قولعا الىندى. جاڭالىقتىڭ اۆتورى 25 جىلدىق تاجىريبەسى بار زۋراب كۋمسياشۆيلي.

زۋراب كۋمسياشۆيلي، شاراپ جاساۋشى:

- بۇل شاراپ جاساۋدىڭ جاڭا تەحنولوگياسى. سۋ استىنداعى شاراپتى ساقتاۋ ءۇشىن تابيعي ساز ىدىس باسقا ەشبىر ەلدە پايدالانىلمايدى. 20-30 مەتر تەرەڭدىكتە تۇزدى سۋدى وتكىزبەيتىن سازدىڭ وسىنداي قۇرامىن جاساۋ ءۇشىن مەن 2 جىل ەڭبەكتەندىم. مۇنداي ساز تەك گرۋزيادا جاسالادى.

شاراپ جاساۋ وڭاي جۇمىس ەمەس، تىنىشتىقتى، قاراڭعىنى جانە سالقىندى ۇنەمى قاجەت ەتەدى. سوندىقتان ونى دايىنداپ، ساقتاۋ ءۇشىن قارا تەڭىزدىڭ ءتۇبى ەڭ قولايلى مەكەن، دەيدى سالا ماماندارى. سۋ استىنداعى امفورالار بىرنەشە ايعا قالدىرىلادى.

زۋراب كۋمسياشۆيلي، شاراپ جاساۋشى:

- مۇنىڭ ءبارى سۋسىنعا ەرەكشە ءدام بەرەدى. سۋسىننىڭ ءدامى قاجەتتى دەڭگەيدە ءدامدى بولىپ شىعۋى ءۇشىن جىلداپ ۋاقىت كەتىرۋدىڭ قاجەتى جوق. سازدىڭ ەرەكشەلىگى 9-10 ايدى عانا قاجەت ەتۋىندە. سۋ استىنداعى ساز امفورادا ساقتالعان 1 ليتر ۆينو 200 دوللار تۇرادى.

قۇنىنا قاراماستان 200 امفوراعا ارنالعان ەكسپەريمەنتتىك پارتيا تەز ساتىلىپ كەتتى، دەيدى وندىرۋشىلەر. دەمەك، سۇرانىس بار. كەلەسى پارتيا ەندى جاڭا پىسكەن ءجۇزىم جيناعاننان كەيىن كۇزدە تەڭىز تۇبىنە باتىرىلادى.

www.24.kz