الماتىدا اباي داڭعىلى ەكى كۇنگە جابىلادى

الماتى. قازاقپارات - الماتىدا جولعا اسفالت توسەلۋىنە بايلانىستى اباي داڭعىلى بويىنىڭ تىلەندييەۆ كوشەسىنەن روزىباكيەۆ كوشەسىنە دەيىنگى بولىگى ەكى كۇنگە جابىلادى.

7-شىلدە ساعات 23:00 دەن 9 شىلدە ساعات 06:00 گە دەيىن قوزعالىس تولىعىمەن شەكتەلەدى، دەپ حابارلايدى قازاقپارات.

اينالما جول ەسەنجانوۆ، ساتبايەۆ، تىلەنديەۆ، برۋسيلوۆسكي، تۇرعۇت وزال كوشەلەرىمەن قامتاماسىز ەتىلەدى.

قوزعالىستى شەكتەۋ وسى ۋچاسكەدە پوليمەراسفالتبەتوندى قولدانۋعا بايلانىستى. ول 150-160 س تەمپەراتۋرادا توسەلەدى، قاجەتتى بەرىكتىككە جەتۋ ءۇشىن قوسپانى 40 گرادۋسقا دەيىن سالقىنداتۋ كەرەك.

ايتپەسە قوسپانىڭ قۇرامى كولىك جۇكتەمەسىنىڭ اسەرىنەن بۇزىلادى، بۇل بولاشاقتا كوشەنىڭ جارىلۋىنا اكەلەدى.

جابىن توسەۋ جۇمىسى تۇندە جۇرگىزىلەدى، الايدا جۇمىستىڭ ساپاسى ناشارلاماس ءۇشىن بەتتى سالقىنداتۋ جانە ءتيىستى قاتتىلىق پەن بەرىكتىكتى جيناۋ ءۇشىن ورتا ەسەپپەن 36 ساعاتقا شىداۋ كەرەك.

بۇل مەرزىم ادەتتە، كۇندىزگى ۋاقىتقا سايكەس كەلەدى.

«ۋاقىتشا قولايسىزدىق ءۇشىن كەشىرىم سۇرايمىز. قالا جولدارىن جوندەۋ - ولاردىڭ بىزگە ۇزاق قىزمەت ەتۋى ءۇشىن قاجەتتى شارا. سوندىقتان باراتىن باعىتىڭىزدى الدىن الا بەلگىلەپ الۋدى وتىنەمىز» دەپ ەسكەرتەدى اكىمدىكتەن.