امەريكالىق پرەسسا سەيسەنبى كۇنى جازعانداي، تابىلعان ۇنتاق كوكاين بولىپ شىقتى.
ا ق ش قۇپيا قىزمەتىنىڭ باسپا ءسوز حاتشىسى ەنتوني گۋلەلميدىڭ BBC - گە ايتۋىنشا، بەلگىسىز ۇنتاق جەكسەنبى كۇنى كەشكە توعىزدار شاماسىندا تابىلعان جانە اق ءۇي قاۋىپسىزدىك ماقساتىندا جابىلعان.
پرەزيدەنت كۇزەتى دەرەۋ ءورت سوندىرۋشىلەردى شاقىرىپ، ولار ۇنتاقتىڭ قاۋىپسىز ەكەنىن انىقتادى.
سوعان قاراماستان، ۇنتاق قوسىمشا تالداۋعا جىبەرىلدى. قازىرگى ۋاقىتتا ونىڭ اق ۇيگە قالاي جەتكىزىلگەنىن انىقتاۋ ءۇشىن تەرگەۋ ءجۇرىپ جاتىر.
پرەزيدەنت دجو بايدەننىڭ ءوزى جەكسەنبى كۇنى اق ۇيدە بولعان جوق. ول كەمپ- دەۆيد رەزيدەنسياسىندا ەدى.