يران شانحاي ىنتىماقتاستىق ۇيىمىنا قوسىلدى

بەيجىڭ. تاسس - قازاقپارات - شانحاي ىنتىماقتاستىق ۇيىمى (ش ى ۇ) سەيسەنبى كۇنى يراننىڭ قاۋىمداستىققا مۇشە ەلدەر قاتارىنا كىرۋىن رەسمي تۇردە جاريالادى، بۇل شەشىم ءۇندىستاننىڭ توراعالىعىمەن وتكەن ۇيىمنىڭ 23- سامميتىندە قابىلداندى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.

يران مەملەكەتارالىق بىرلەستىكتىڭ توعىزىنشى مۇشەسى بولدى. 2022 -جىلدىڭ قىركۇيەگىندە سامارقاندتا وتكەن ش ى ۇ- نىڭ سامميتىندە يراننىڭ ۇيىمعا قوسىلۋى تۋرالى مەموراندۋمعا قول قويىلعان.

ش ى ۇ 2001 -جىلى 15-ماۋسىمدا شانحايدا قۇرىلعان بولاتىن. العاشىندا ۇيىمعا التى مەملەكەت - قازاقستان، قىتاي، قىرعىزستان، رەسەي، تاجىكستان جانە وزبەكستان كىرسە، 2017 -جىلى ولارعا ءۇندىستان مەن پاكىستان قوسىلدى.