موڭعوليا قازاقتارىنىڭ كىشى قۇرىلتايى وتەدى
4-8- شىلدە ارالىعىندا ق ر سىرتقى ىستەر مينيسترلىگىنىڭ «وتانداستار قورى» قوعامى ۇيىمداستىرۋىمەن جانە قازاقستاننىڭ موڭعولياداعى ەلشىلىگىنىڭ قولداۋىمەن ۇلان- باتىر، قوبدا، بايان- ولگەي ايماقتارىندا موڭعوليا قازاقتارىنىڭ IV كىشى قۇرىلتايى وتەدى. قۇرىلتاي قازاقستان مەن موڭعوليا اراسىنداعى ديپلوماتيالىق قاتىناستاردىڭ 30 جىلدىعى اياسىندا ەكى ەل اراسىندا دوستىق پەن ىنتىماقتاستىقتى نىعايتۋ ماقساتىندا ۇيىمداستىرىلادى.
«اۋقىمدى شارا اياسىندا ەكى ەل عالىمدارىنىڭ، مەملەكەت جانە قوعام قايراتكەرلەرىنىڭ قاتىسۋىمەن عىلىمي كونفەرەنسيا، كينو جانە مۋلتفيلم اپتالىعى، بيزنەس- فورۋم، ۇلتتىق ويىندار مەن مەرەكەلىك كونسەرتتەر وتەدى»، - دەلىنگەن قور اقپاراتىندا.
ءمالىم ەتىلگەندەي، رەسەيدەگى قانداستارمەن دە جۇزدەسۋ جوسپارلانعان.
ماسەلەن، 8-9 -شىلدەدە رەسەي فەدەراتسياسىنىڭ التاي رەسپۋبليكاسىنداعى قازاقتار مەكەندەيتىن قوساعاش اۋدانىندا جانە التاي ولكەسى ورتالىعى بارناۋلداعى قانداستارمەن كەزدەسۋ ءوتىپ، رۋحاني كەش ۇيىمداستىرىلادى.
«وتانداستار قورى» قوعامى تاراپىنان وسىنداي ءىس- شارالاردى وتكىزۋ ەلدەرىمىز اراسىنداعى دوستىق كوپىردى نىعايتىپ قانا قويماي، موڭعوليا جانە رەسەي قازاقتارىنىڭ ۇلتتىق بىرەگەيلىگىن ارتتىرا تۇسۋگە جانە ەلىمىزبەن رۋحاني بايلانىستاردى نىعايتۋعا دا ءوز ۇلەسىن قوسپاق»، - دەلىنگەن قور حابارلاماسىندا.