الماتىدا موتوسيكل مەن ۆەلوسيپەد سوقتىعىسىپ، ەكى جۇرگىزۋشى دە قازا تاپتى
20:45, 03 - شىلدە 2023
الماتى. قازاقپارات - الماتىدا تۇندە مەدەۋگە اپارار جولدا موتوسيكل مەن ۆەلوسيپەد سوقتىعىسىپ، ەكى ادام قازا تاپتى، دەپ حابارلايدى قازاقپارات ءتىلشىسى.
جول اپاتىنىڭ ۆيدەوسى الەۋمەتتىك جەلىدە تاراپ جاتىر.
الماتى قالالىق پوليتسيا دەپارتامەنتىنىڭ مالىمەتىنشە، جول- كولىك وقيعاسى تۇنگى ساعات ءبىر شاماسىندا مەدەۋ اۋدانىندا بولدى.
«موتوسيكل مەن ۆەلوسيپەدتىڭ سوقتىعىسۋى سالدارىنان ەكى كولىكتىڭ دە جۇرگىزۋشىسى قازا تاپتى. اتالعان فاكتى بويىنشا الماتى قالالىق پوليتسيا دەپارتامەنتىنىڭ انىقتاۋ باسقارماسى ق ر قىلمىستىق كودەكسىنىڭ 345-بابىنىڭ 4-بولىگى (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ) بويىنشا سوتقا دەيىنگى تەرگەۋ امالدارىن باستادى. ساراپتامالار تاعايىندالدى»، - دەپ ءتۇسىندىردى قالالىق پوليتسيا دەپارتامەنتىنىڭ باسپا ءسوز قىزمەتى.
اۆتور:
الما مۇقانوۆا