اباي وبلىسىندا تاعى ءورت شىقتى

سەمەي. قازاقپارات - اباي وبلىسى كوكپەكتى اۋدانىندا كەشەدەن بەرى دالا ءورتىنىڭ بەتى قايتپاي جاتىر، دەپ حابارلايدى قازاقپارات ءتىلشىسى.

اباي وبلىسىندا كەشەدەن بەرى دالا ءورتىنىڭ بەتى قايتپاي جاتىر.

اباي وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءورت 2-شىلدە كۇنى ساعات 11.00-شاماسىندا كوكپەكتى اۋدانى ۇلگىلى مالشى اۋىلىنان 50 شاقىرىم جەردە شىققان. ءتىلسىز جاۋ اشىق الاڭدا قامىستى شارپىپ جاتىر.

«وقيعا ورنىنا جەرگىلىكتى اتقارۋشى ورگان قىزمەتكەرلەرى دەرەۋ كەلىپ جەتتى. قازىرگى ۋاقىتتا بولجام بويىنشا قىزىل جالىننىڭ جالپى اۋدانى 200 گەكتاردى قۇرايدى. ەلدى مەكەندەرگە ءتونىپ تۇرعان قاۋىپ جوق. ەشكىم زارداپ شەكپەدى»، - دەلىنگەن اقپاراتتا.

ۇلگىلى مالشى اۋىلدىق وكرۋگى اكىمدىگىنىڭ اقپاراتى بويىنشا ورتپەن كۇرەسكە ت ج د كۇشتەرى مەن قۇرالدارىنىڭ تارتىلۋى قاجەت ەمەس.

ەسكە سالايىق، 8-ماۋسىم كۇنى اباي وبلىسىنىڭ سەمەي ورمانى رەزەرۆاتىندا ءىرى ءورت تۇتاندى. سالدارىنان 14 ورمانشى قازا بولدى.