ەلوردادا الىپ كۇش يەلەرىنىڭ تۋرنيرى وتەدى

استانا. قازاقپارات - استانا قالاسىنىڭ اكىمدىگىنىڭ ۇيىمداستىرۋىمەن ەلوردانىڭ 25 جىلدىعىنا وراي قالالىق «تولاعاي» الىپتار سايىسى اشىق تۋرنيرى وتەدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

«ۇلى دالانىڭ باتىرلارىن ناسيحاتتاۋ، قازاقتىڭ ەتنو-ويىندارىن دارىپتەۋ ماقساتىندا وتەتىن تۋرنيرگە بىلەگى توقپاقتاي، جاۋىرىنى قاقپاقتاي 18 جاستان اسقان كەز كەلگەن قالا تۇرعىنى مەن قوناعى قاتىسا الادى»، - دەلىنگەن مالىمەتتە.

تۋرنيردىڭ وتەتىن ۋاقىتى مەن ورنى: 6-شىلدە، ساعات 16:00-دە، ورتالىق ساياباقتىڭ اۆتوتۇراعىندا (تۇران داڭعىلى بويىندا)

قوسىمشا اقپارات بويىنشا: 77079779970+؛ 77012551965+ نومىرلەرىنە حابارلاسۋعا بولادى.