تارازدىق ونەرتاپقىش ورتكە قارسى جاڭالىعىن وندىرىسكە ەنگىزە الماي ءجۇر
الايدا جاڭالىعىن وندىرىسكە ەنگىزۋگە ەشكىم مۇددەلى ەمەس. يدەيا تەك قاعاز جۇزىندە قالىپ وتىر. 77 جاستاعى مارات ايۋبايەۆ كوپسالالى ءورت ماشيناسىن ويلاپ تاپتى. بۇل تەحنيكانىڭ وزگە ماشينالاردان ايىرماشىلىعى - ءتىلسىز جاۋدى بىرنەشە تاسىلمەن اۋىزدىقتاي الاتىندىعىندا. دالىرەك ايتقاندا اتالعان كولىكتە قازاندىق ورناتىلعان. بۇنىڭ كومەگىمەن سۋ بۋعا اينالادى. ناتيجەسىندە سۋ ۇنەمدەلەدى.
مارات ايۋبايەۆ، ونەرتاپقىش:
- بۇل ماشينا فيزيكا زاڭىنا نەگىزدەلگەن. فيزيكا زاڭىندا ءبىر كولەم سۋدان 5 مىڭ كولەم بۋ الۋعا بولادى. بۇل دالەلدەنگەن. ماشينانىڭ ىشىندە بۋ قازاندىقتارىن قويساق، سوندا 24 ساعاتتاي توقتاۋسىز جۇمىس ىستەيدى. قۇرىلعىنى ءتۇرلى سالادا قولدانۋعا بولادى.
ونەرتاپقىشتىڭ ايتۋىنشا جوبا جۇزەگە اسسا، ناعىز تەحنيكالىق توڭكەرىس بولماق.
مارات ايۋبايەۆ، ونەرتاپقىش:
- بۇل ۆيرۋستاردى ءولتىرۋ، ديزەنفەكسيا، كومۋنالنىي شارۋاشىلىقتا قاتتى ايازدا قاتىپ قالعان قۇبىرلاردى ەرىتۋ. مال، قۇس فەرمالارىندا ۆيرۋستاردىڭ بارلىعىن ءولتىرۋ. كەنە، بۇرگە، قاراقۇرت دەيدى. ەسكەرتكىشتەردىڭ سىرتىن، ءمۇسىنىڭ تازالاۋ، رەمونت كەزىندە تازالاۋ. ءار سالادا پايدالانۋعا بولادى.
مارات ايۋبايەۆ شيرەك عاسىر ىشىندە 30-عا جۋىق جاڭالىق اشقان. ونىڭ بىرنەشەۋى عانا پاتەنتتەلگەن. ال باسىم بولىگى ازىرگە قاعاز جۇزىندە.
مارات ايۋبايەۆ، ونەرتاپقىش:
- مەنىڭ جاڭالىعىم جەر جۇزىنە كەرەك. ۇكىمەت سونى ىسكە اسۋىنا بارلىق جاعدايدى جاساۋعا مىندەتتى دەگەن زاڭ شىعارۋ كەرەك. مەنى قولداسا، باسقا دا ونەرتاپقىشتاردى قولداسا ءبىزدىڭ مەملەكەت ەڭ الدىنعى مەملەكەتتەر قاتارىندا تۇرماي ما؟
قۇرىلعىنى جاساپ، ىسكە اسىرۋ ءۇشىن قوماقتى قارجى قاجەت. سونداي- اق عالىمداردى جيناپ، ۇسىنىلعان يدەيالاردى تەز تالقىلاپ، جەدەل ىسكە اسىرۋ جاعىن جولعا قويۋ كەرەك، دەيدى ول. الايدا وسى ۋاقىتقا دەيىن، اقساقالدىڭ جاڭالىقتارىنا ءتيىستى دەڭگەيدە كوڭىل بولىنبەي كەلەدى.
ايجان بىرلىك قىزى، بولاتبەك تابالدييەۆ
www.24.kz