قىتايدا جارىلىس بولدى

استانا. قازاقپارات - قىتايدىڭ جياڭشي پروۆينسياسىنداعى حيميالىق زاۋىتتا جارىلىس بولدى، دەپ حابارلايدى قازاقپارات.

قىتايدىڭ شينحۋا اقپارات اگەنتتىگىنىڭ مالىمەتىنشە، 1-شىلدە كۇنى تاڭعى ساعات 10:30 شاماسىندا جياڭشي پروۆينسياسى گۋيسي قالاسىنىڭ ءورت قۇتقارۋ كوماندالىق ورتالىعىنا «جياڭشي سيانتاي جاڭا ماتەريال» ج ش س ورتەنىپ جاتقانى تۋرالى حابارلاما تۇسكەن.

حابارلاما تۇسكەننەن كەيىن گۋيسي قالالىق ءورت ءسوندىرۋ بريگاداسى، توتەنشە جاعدايلار جانە باسقا دا ءتيىستى بولىمشەلەر وقيعا ورنىنا اتتاندى. قازىرگى ۋاقىتتا ءورت سوندىرۋشىلەر جالىندى اۋىزدىقتاۋعا بار كۇش-جىگەرىن سالىپ جاتىر، جاعداي باقىلاۋعا الىندى.

بارلىق قىزمەتكەرلەر مەن زاۋىتتىڭ ماڭايىنداعى ادامدار ەۆاكۋاتسيالاندى. ازىرگە زارداپ شەككەندەر تۋرالى اقپارات تۇسكەن جوق.

ءورتتىڭ شىعۋ سەبەبى انىقتالۋدا.