اپتانىڭ قاي كۇنى دۇنيەگە كەلدىڭىز؟

استانا. قازاقپارات - ادامنىڭ تۋعان كۇنى ونىڭ ومىرىنە، تاعدىرىنا جانە مىنەزىنە اسەر ەتەدى. اپتانىڭ قاي كۇنى دۇنيەگە كەلدىڭىز؟ ءوزىڭىزدى نەمەسە جاقىنىڭىزدى تەكسەرىڭىز!

دۇيسەنبى

دۇيسەنبىدە، ادەتتە، كۇشتى مىنەزدى ادامدار تۋادى. ولاردىڭ ويىن وزگەرتۋ قيىن. ولاردىڭ ءتىل-كوزدەن جانە اينالاداعىلاردىڭ تەرىس اسەرىنەن ساقتايتىن كەرەمەت قورعانىشى بار.

ولار ءبىر ادامدى جاقسى كورسە، باسقاعا نازار اۋدارمايدى. الايدا ولار ءۇشىن ماحاببات پەن دوستىقتا ۇيلەسىمدىلىك بولۋى ماڭىزدى. سەزىم ەكىجاقتى بولماسا، قارىم-قاتىناستى ساقتاپ قالۋعا تىرىسپايدى. ولار ءومىر بويىنا سۇيىكتىسىمەن بىرگە بولۋدى نەمەسە جالعىز بولىپ ءوتۋدى تاڭدايدى.

بۇل ادامداردى اي باسقارادى، سوندىقتان ولار وتە ەموتسيونالدى جانە اشىق كەلەدى. ولاردىڭ قيالى مەن ەمپاتياسى جاقسى دامىعان.

سەيسەنبى

سەيسەنبى كۇنى دۇنيەگە كەلگەن ادامدار وتە اشىق جانە كوپشىل. ولار ساۋاتتى جۇمىس ىستەۋگە كوپ كۇش جۇمسايدى.

بۇل ادامداردىڭ تاعدىرى ماحابباتتا دا، جۇمىستا دا ءساتتى قالىپتاسادى. ولاردىڭ ءازىلدى تۇسىنە ءبىلۋ سەزىمى جانە جارقىن مىنەزى بار، ءبىراق ولار قۇپيا ساقتاي المايدى.

سەيسەنبىدە تۋعانداردى جاۋىنگەرلەر پلانەتاسى مارس باسقارادى، سوندىقتان ولار تاباندىلىقپەن، كەيدە اگرەسسيۆتىلىكپەن ەرەكشەلەنەدى. الايدا، بۇل ادامدار وزدەرىنىڭ جانە شەشىمدەرىنىڭ دۇرىستىعىنا ءجيى كۇماندانادى. سونداي-اق ولار ءجيى الدىمەن جاساپ، سوسىن ويلانادى.

سارسەنبى

سارسەنبىدە تۋعان ادامدار وتە تۇراقتى. ولار ادەتتە قارجى سالاسىندا جانە جۇمىستا جەتىستىككە جىلدام جەتەدى.

الايدا، اپتانىڭ وسى كۇنىندە تۋعان ادامداردىڭ باسقالارمەن قارىم-قاتىناس جاساۋى قيىن. سوندىقتان ولاردىڭ دوستارى از جانە ولار ءۇشىن ومىرلىك سەرىگىن تابۋ قيىنعا سوعادى. مۇنداي ادامدارعا نەكەدە قيىن بولادى، سوندىقتان ولارعا كەيدە ءوز- وزىمەن قالۋعا مۇمكىن بەرۋ كەرەك.

سارسەنبىدە تۋعانداردى مەركۋريي پلانەتاسى باسقارادى. ولار عىلىمدا جانە بيزنەستە وزدەرىن جاقسى دامىتا الادى.

بەيسەنبى

بەيسەنبىدە تۋعانداردىڭ جولى بولدى، ويتكەنى ولاردىڭ ينتۋيتسياسى جاقسى دامىعان جانە ولار ەرەكشە اقىلعا يە.

بۇل ادامدار ماحابباتتا دا، جۇمىستا دا بىردەي جەتىستىككە جەتە الادى. ولاردىڭ ءومىرى كوبىنەسە قىزىقتى وقيعالارعا تولى، سوندىقتان ولار ەشقاشان ەڭسەسىن تۇسىرمەيدى. ولاردىڭ دوستارى مەن تانىستارى كوپ.

بەيسەنبىدە دۇنيەگە كەلگەندەردى يۋپيتەر باسقارادى. سوندىقتان بۇل كۇنى تۋعان ادامدار ۇيىمداستىرۋشىلىق قابىلەتتەرىگە يە. ولار كوبىنە ساياسات پەن باسقارۋ سالاسىندا ۇلكەن جەتىستىكتەرگە جەتەدى.

جۇما

بۇل كۇنى دۇنيەگە كەلگەندەر ادامداردى جاقسى تاني المايدى. سوندىقتان ولار ۇجىمدىق جۇمىستا نەمەسە جاڭا قاتىناستار قۇرۋ كەزىندە مۇقيات بولۋى كەرەك. جۇمىستا العا جىلجۋ ءۇشىن اپتانىڭ بۇل كۇنىندە تۋعاندارعا موتيۆاتسيا مەن ومىرلىك ماقسات قاجەت.

جۇما كۇنى تۋعاندار ۋاقىت سىنىنان وتكەن جانە سەنىمدى ادامداردىڭ جانىندا ءجۇرۋى كەرەك.

بۇل كۇنى تۋعان ادامدارعا ۆەنەرا قامقورلىق جاسايدى. بۇل پلانەتانىڭ ۇلكەن سىيى بار: ول جاقسى كورۋدى، سۇيىكتى بولۋدى ۇيرەتەدى. ۇيدە بۇل ادامدار جايلى اتموسفەرا جاسايدى.

سەنبى

سەنبى كۇنگى ادامدار تاۋەلسىز كەلەدى جانە ولار كوشباسشىلىق قاسيەتكە يە. ولار ءوزىن جاقسى كورەتىن ادامدار، ءبىراق سوندا دا ولاردىڭ دوستارى كوپ. سەبەبى ولارداعى ەمپاتيا دەڭگەيى جوعارى.

سونداي-اق، بۇل ادامدار وزدەرىنىڭ التىنشى سەزىمى ارقىلى بولاشاقتى بولجاي الادى. ولار كەرەمەت پسيحولوگتار جانە تابيعاتىنان وتە دانا ادامدار.

بۇل كۇنى دۇنيەگە كەلگەندەردى ساتۋرن پلانەتاسى باسقارادى. ولار ەڭبەكقور، دارىندى جانە اقىلدى.

جەكسەنبى

جەكسەنبى كۇنى دۇنيەگە كەلگەندەر رۋحاني جاعىنان جاقسى دامىعان. ولار بالا كەزىنەن نەنىڭ جاقسى، نەنىڭ جامان ەكەنىن جاقسى تۇسىنەدى.

ولاردا باسقالارعا ماڭىزدى نارسەلەردى ۇيرەتۋ جانە ءبىلىم بەرۋ قابىلەتى بار، سوندىقتان ولاردان كەرەمەت تالىمگەرلەر شىعادى.

جەكسەنبىدە تۋعاندار كۇننىڭ قامقورلىعىندا. ولار بەلسەندى، ءبىراق ءجيى ومىرلەرىنە نەمقۇرايلى قاراپ، بولاشاعى جايلى ويلانا بەرمەيدى. سول ءۇشىن دە ومىردە ساتسىزدىكتەرگە جولىعۋى مۇمكىن. سوندىقتان بۇل كۇنى دۇنيەگە كەلگەندەرگە ومىرگە كوزقاراسىن وزگەرتىپ، ماقسات قويۋ ۇسىنىلادى.