پرەزيدەنتكە كولىكتى زاڭداستىرۋ قىزمەتىن وڭتايلاندىراتىن سيفرلىق تەحنولوگيالار تۋرالى باياندالدى
17:15, 30 - ماۋسىم 2023
استانا. قازاقپارات - پرەزيدەنتكە «اۆتوكولىك قۇرالدارىن زاڭداستىرۋ، جول- كولىك اپاتى بولعان جەردەن ماتەريالداردى ساقتاندىرۋ كومپانيالارىنا بەرۋ» جوباسى تانىستىرىلدى، دەپ حابارلايدى قازاقپارات اقورداعا سىلتەمە جاساپ.
مەملەكەت باسشىسىنىڭ تاپسىرماسىن ورىنداۋ ماقساتىندا ەلىمىزگە 2022 -جىلدىڭ 1 -قىركۇيەگىنە دەيىن اكەلىنگەن شەتەلدىك كولىكتەر زاڭداستىرىلىپ جاتىر. وسىعان وراي، مامانداندىرىلعان حالىققا قىزمەت كورسەتۋ ورتالىقتارىنداعى كەزەكتى وڭتايلاندىرۋ ءۇشىن ءوتىنىم قابىلداۋعا ارنالعان ونلاين- سەرۆيس ازىرلەندى. كولىك قۇرالىنا تەكسەرىس تۇگەلدەي اۆتوماتتى رەجيمدە جۇرگىزىلەدى.
سونداي- اق، ىشكى ىستەر مينيسترلىگى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتپەن جانە «مەملەكەتتىك كرەديتتىك بيۋرومەن» بىرلەسىپ، جول- كولىك وقيعاسى تۋرالى ماتەريالداردى تولەم جاساۋ ءۇشىن ساقتاندىرۋ كومپانيالارىنا ونلاين بەرۋ جوباسىن جۇزەگە اسىردى.