بايقوڭىردان عارىش كەمەسى قاشان ۇشىرىلاتىنى بەلگىلى بولدى

بايقوڭىر. قازاقپارات - بايقوڭىر عارىش ايلاعىندا عارىش كەمەسىن كەزەكتى ۇشىرۋعا دايىندىق باستالدى.

حالىقارالىق عارىش ستانتسياسىنان «پروگرەسس م س-24» عارىشتىق جۇك كولىگى ۇشىرىلادى، دەپ حابارلايدى قازاقپارات ءتىلشىسى.

س. پ. كوروليەۆ اتىنداعى «ەنەرگيا» زىمىران- عارىش كورپوراتسياسىنىڭ بايقوڭىر فيليالىنىڭ ماماندارى عارىش ايلاعىندا 2022 -جىلدىڭ جەلتوقسان ايىنان بەرى ساقتالعان كەمەنى قايتا ىسكە قوستى، دەپ حابارلادى كاسىپورىننىڭ باسپا ءسوز قىزمەتىنەن. عارىش ايلاعى 254- الاڭىنىڭ مونتاجداۋ- سىناۋ كورپۋسىندا «پروگرەسس م س-24» عارىشتىق جۇك كولىگىن سىرتقى تەكسەرۋ جانە بورتتىق جۇيەلەردىڭ باستاپقى جاي- كۇيىن باقىلاۋ جۇرگىزىلدى. كۇن باتارەيالارى پانەلدەرىن ورنالاستىرۋ تەتىكتەرى تەكسەرىلدى جانە الداعى ەلەكتر سىناقتارىنا جەرۇستى جابدىقتارى دايىندالدى.

«پروگرەسس م س-24» جۇك كەمەسى بار «سويۋز-2.1 ا» زىمىران تاسىعىشىن ۇشىرۋ 2023 -جىلعى 23 -تامىزعا جوسپارلانعان. بايقوڭىر عارىش ايلاعىنان بۇعان دەيىنگى ۇشىرۋ پروتسەسى 2023 -جىلدىڭ 24 -مامىرىندا بولدى. ول كەزدە ح ع س- قا «پروگرەسس م س-23» كولىكتىك جۇك كەمەسى اتتاندى.

ەكى ايدىڭ ىشىندە ح ع س- قا ستانتسيانىڭ جانە عارىشكەرلەردىڭ ءومىرى ءۇشىن قاجەتتى جۇكتەرى بار ەكى كەمە جىبەرىلەدى. قازىر حالىقارالىق عارىش ستانتسياسىندا 69- ۇزاق ەكسپەديتسيانىڭ ەكيپاجى جۇمىس ىستەپ جاتىر. ونىڭ قۇرامىندا روسكوسموس عارىشكەرلەرى سەرگەي پروكوپيەۆ (ح ع س-69 كومانديرى) ، دميتريي پەتەلين جانە اندرەي فەديايەۆ، NASA استروناۆتتار فرانسيسكو رۋبيو، ستيۆەن بوۋەن، ۋوررەن حوبۋرگ جانە ب ا ءا استروناۆتى سۇلتان ءال- نەيادي بار.