رەسەي مەملەكەتتىك دۋماسىندا ماسكەۋدىڭ بايلارىنا سالىناتىن سالىقتى كوبەيتۋ ۇسىنىلدى

ماسكەۋ. قازاقپارات - مەملەكەتتىك دۋما ۆيتسە- سپيكەرى، رەسەي ليبەرال- دەموكراتيالىق پارتياسىنىڭ وكىلى بوريس چەرنىشيەۆ فەدەرالدى سالىق قىزمەتىنىڭ باسشىسى دانيل ەگوروۆقا حات جولداپ، جىلىنا 25 ميلليون رۋبلدەن ارتىق تاباتىن ادامدار ءۇشىن كىرىس سالىعىن % 20- عا كوتەرۋدى ۇسىندى، دەپ حابارلايدى قازاقپارات ر ي ا نوۆوستي- گە سىلتەمە جاساپ.

«الەۋمەتتىك ادىلدىكتى ارتتىرۋ ءۇشىن باي ادامدارعا سالىق مولشەرلەمەسىن كوبەيتەتىن كۇن جەتتى دەپ ەسەپتەيمىن. جىلىنا 25 ميلليوننان كوپ تاباتىن، ياعني ايلىق تابىسى 2 ميلليوننان اساتىن ازاماتتار % 20 كولەمىندە سالىق تولەۋى قاجەت»، - دەپ ر ي ا نوۆوستي حات ماتىنىنەن ءۇزىندى كەلتىرەدى.

ونىڭ سوزىنشە، مۇنداي وزگەرىس نەگىزىنەن ماسكەۋدىڭ باي تۇرعىندارىنا قاتىستى بولادى.

سونداي- اق ول ينفراقۇرىلىم، اباتتاندىرۋ، جاڭا ساياباقتار مەن بالالار الاڭقايلارى «بايلىققا سالىنعان سالىق» كومەگىمەن قارجىلاندىرىلۋى كەرەك ەكەنىن اتاپ ءوتتى.