پاريج ماڭىندا پوليتسيا قارۋ قولدانعاننان كەيىن تارتىپسىزدىك ورىن الدى
نانتەر - فرانسياداعى قالا، پاريجدىڭ شەتىندەگى ەڭ ۇلكەن قالالاردىڭ ءبىرى، فرانسيا استاناسىنىڭ ورتالىعىنان 11 شاقىرىم جەردە ورنالاسقان. قالا تۇرعىندارىنىڭ سانى 90 مىڭعا جۋىق ادامدى قۇرايدى.
فرانسۋز اقپارات قۇرالدارىنىڭ حابارلاۋىنشا، سەيسەنبى كۇنى تاڭەرتەڭ پوليتسيا قىزمەتكەرى پوليتسيا بۇيرىعىن ورىنداۋدان باس تارتقان كولىك جۇرگىزۋشىسىنە قارسى قارۋدان وق اتقان. سالدارىنان 17 جاستاعى جاسوسپىرىم پوليتسيا وعىنان كوز جۇمدى. سوڭعىسى قاساقانا كىسى ولتىرگەنى ءۇشىن قاماۋعا الىندى، دەپ حابارلادى نانتەر پروكۋراتۋراسى.
«الكوگول مەن ەسىرتكىنىڭ بار- جوعىن انىقتاۋ ءۇشىن قان اناليزى جۇرگىزىلدى، ولار تەرىس ناتيجە كورسەتتى»، - دەلىنگەن پروكۋراتۋرا تاراتقان حابارلامادا.
وسى كۇنى كەشكە پوليتسيا قىزمەتكەرلەرى مەن قايتىس بولعان جاس جۇرگىزۋشى تۇراتىن ۆە پون اۋدانىنىڭ بىرنەشە جاس تۇرعىندارى اراسىندا قاقتىعىستار باستالدى.
قاۋىپسىزدىك كۇشتەرى كوزدەن جاس اعىزاتىن گاز قولداندى، جەرگىلىكتى تۇرعىندار پەتاردا مەن باسقا دا جارىلعىش زاتتاردى قولدانعان بىرنەشە شابۋىلعا ۇشىرادى. جاۋاپ رەتىندە جىلجىمالى كۇشتەردىڭ ەكى وتريادى، ونىڭ ىشىندە «قالالىق زورلىق- زومبىلىقپەن» كۇرەسۋگە ماماندانعاندار دا جىبەرىلدى.
«28 -ماۋسىمعا قاراعان ءتۇنى ون ءۇش ادام قاماۋعا الىندى»، - دەپ حابارلادى Le Figaro گازەتىنە پوليتسيانىڭ باس كەڭسەسىندە.
فرانسيانىڭ ىشكى ىستەر ءمينيسترى جەرالد دارمانين تۆيتتەردە ۇلتتىق پوليتسيانىڭ باس ينسپەكسياسى «وسى درامانىڭ ءمان- جايىن انىقتاۋ ءۇشىن» تەرگەۋ جۇرگىزىپ جاتقانىن جازدى.