نۇربەك پۇسىرمانوۆ «مەملەكەت تاريحى ينستيتۋتىنىڭ» ديرەكتورى بولدى

استانا. قازاقپارات - عىلىم جانە جوعارى ءبىلىم مينيسترلىگى «مەملەكەت تاريحى ينستيتۋتى» مەملەكەتتىك مەكەمەسىنىڭ ديرەكتورى لاۋازىمىنا نۇربەك پۇسىرمانوۆ تاعايىندالدى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

جاڭا باسشىنى ۇجىمعا عىلىم كوميتەتىنىڭ ءتوراعاسى دارحان احمەد- زاكي تانىستىردى.

پۇسىرمانوۆ نۇربەك سەرىك ۇلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن 2010 -جىلى - باكالاۆر، 2013 -جىلى - ماگيستراتۋرا، 2019 -جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن دوكتورانتۋرا (PhD) باعدارلامالارى بويىنشا بىتىرگەن.

ەڭبەك جولىن تاريح ءپانىنىڭ ءمۇعالىمى بولىپ باستاعان. ءارتۇرلى جىلدارى ق ر ءبىلىم جانە عىلىم مينيسترلىگى عىلىم كوميتەتىنىڭ ساراپشىسى، ءبىلىم جانە عىلىم سالاسىنداعى باقىلاۋ كوميتەتىنىڭ باس ساراپشىسى قىزمەتتەرىن اتقارعان.

2018-2021 -جىلدارى استانا قالاسى ىشكى ساياسات باسقارماسىندا ءبولىم باسشىسى، 2020-2021 -جىلدارى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ساياسات تانۋ كافەدراسىنىڭ دوتسەنتى مىندەتىن اتقارۋشى، 2021-2023 -جىلدارى ق ر وقۋ- اعارتۋ مينيسترلىگى «ى. التىنسارين اتىنداعى ۇلتتىق ءبىلىم اكادەمياسى» ش ج ق ر م ك عىلىم جونىندەگى ۆيتسە- پرەزيدەنتى بولعان.

24 عىلىمي جانە 6 تانىمدىق جاريالانىمدار، «قازاقستان تاريحى» (ساندار مەن سىزبا- كەستەلەردە) /2010/ اتتى وقۋ قۇرالىنىڭ اۆتورى. «ۇلتتىق يدەيا قازاقستاندىق قوعامدى توپتاستىرۋدىڭ فاكتورى رەتىندە» تاقىرىپتا دوكتورلىق ديسسەرتاتسيا قورعاعان.