الەمدە تۋريزم سالاسىنا جان ءبىتتى
فينليانديادا ۇيالى تەلەفون قولدانىلمايتىن الەمدەگى ەڭ العاشقى تۋريستىك ارال اشىلعان. ماماندار مۇنى ءبىر جاعىنان «سيفرلىق ورازا» دەپ اتايدى. ال پسيحولوگتار دەمالىستىڭ مۇنداي ءتۇرى ادامنىڭ سانا- سەزىمىن تىنىقتىرىپ، جۇيكەسىن جاقسارتادى دەيدى. فينلياندياداعى ارالعا بارعان تۋريستەردىڭ ۇيالى تەلەفونىن ەشكىم دە كۇشپەن تارتىپ المايدى. تەك ەرەجە بويىنشا قوناقتار گادجەتتەردەن ءوز ەركىمەن ارىلۋى كەرەك. ايتپەسە، فيندەردىڭ ارالىندا ينتەرنەت تە، ۇيالى بايلانىس تا جاقسى ۇستاپ تۇر.
بيىل ەرەكشە جاندانىپ كەلە جاتقان تۋريزم تۇيتكىلدەرىنە «شارتاراپ» ايدارىندا بىرەر ساتتەن كەيىن كەڭىرەك توقتالامىن. تۋريستەر ءنوپىرى تولاستامايدى الەمدىك تۋريزم دەسە ويىمىزعا مىندەتتى تۇردە تۇركيا ورالادى. كوۆيدتەن كەيىنگى 2022 -جىلى بۇل ەل دەمالعاندار سانى بويىنشا رەكورد ورناتىپ ۇلگەرگەن. مۇنداي مالىمەتتى حالىقارالىق ساراپتامالىق تۋريزم ۇيىمى جاريالادى. ولاردىڭ دەرەگى بويىنشا، تۇركيا جاعاسىن ورتاق جەرورتا تەڭىزى شايىپ جاتقان يسپانيا، يتاليا، گرەكيا، فرانتسيا، پورتۋگاليا، مالتا مەن حورۆاتيا سياقتى تۋريستىك ەلدەردى ارتتا قالدىرعان.
تەرري دەيل، ا ق ش تۋر وپەراتورلارى قاۋىمداستىعىنىڭ پرەزيدەنتى:
- تۇركيا سياقتى تانىمال ەلدەرگە بارۋشىلار قاتارى رەكوردتى كولەمدە ءوسىپ جاتىر. بىلتىر بۇل ەلگە 51 ميلليون 400 مىڭ ادام كەلىپ، بيۋدجەتكە 56 ميلليارد 300 ميلليون دوللار كىرىس كىردى. وسىلايشا، ول الەمدىك تۋريزم ورتالىعى دەگەن اتاعىن قايتارىپ الدى.
ءبىر عانا مىسال ايتايىن، تۋرو پەراتورلار جەرورتا تەڭىزىنە قۇياتىن وزەننىڭ جاعاسىنداعى تىپ- تىنىش داليان قالاسىنىڭ تىلسىمعا تولى جەرلەرىنە الىپ بارادى. بىلتىرعىنى بىلاي قويعاندا، تۇركياعا مامىر ايىندا عانا 4,5 ميلليون تۋريست بارعان. بۇل كورسەتكىش وتكەن جىلدىڭ وسى كەزەڭىمەن سالىستىرعاندا ,2- كە جوعارى. مۇنداي مالىمەتتى تۇركيانىڭ مادەنيەت جانە تۋريزم مينيسترلىگى تاراتتى.
جەرورتا تەڭىزىنىڭ جاعاسىنداعى انتاليا ەڭ تانىمال تۋريستىك نىسانعا اينالدى. بۇل قالادا 1,5 ميلليوننان استام تۋريست دەمالعان. تۇركيا وسى جىلدىڭ باسىندا بولعان جويقىن جەر سىلكىنىستەرىنە قاراماستان بيىل ەلگە 60 ميلليون تۋريست تارتۋ جانە قازىناعا 56 ميلليارد دوللار تابىس ءتۇسىرۋ ماقساتىن ورىندادى.
تۋريزم - ساۋدا كوزى
تۋريزم كورشىلەس قىتايدا دا جاندانىپ جاتىر. ماسەلەن، 3 كۇنگە سوزىلعان ايداھار- قايىقتار فەستيۆالىنە كەلگەندەر سانى وتكەن جىلمەن سالىستىرعاندا 2,3 كە وسكەن. ءبىر عانا بەيجىڭگە 3 ميلليون 260 مىڭ ساياحاتشى كەلگەن. بۇل بىلتىرعىدان a كە ارتىق. تۋريزمگە بيۋدجەتكە 5 ميلليارد 20 ميلليون دوللار تۇسكەن. ياعني، كىرىس D,5 كە ارتتى. سونداي- اق ايداھار- قايىقتار فەستيۆالى وتكەن 3 كۇندە 20 ميلليون ادام ساۋدا جاساعان. بىلتىر بۇدان v كە كەم بولىپتى.
داي بين، قىتاي تۋريزم اكادەمياسىنىڭ پرەزيدەنتى:
- گونكونگ پەن ماكاونىڭ تۋريزم نارىعىن قالپىنا كەلگەنىن كورىپ وتىرمىز. اۋە بيلەتى مەن قوناق ۇيگە تاپسىرىس بەرۋ قىزمەتى جاقسارىپ كەلەدى. بارىس- كەلىس باعاسى دا ءبىرشاما تومەندەدى. تۋريستەر كوبىنە جەرگىلىكتى سالت- داستۇرگە قاتتى قىزىعۋشىلىق ءبىلدىرىپ جاتىر. مادەنيەت ءتۋريزمى جاقسى سۇرانىسقا يە.
ءۇندىستان قىتايدان وزباق
حالىق سانى بويىنشا بيىل قىتايدى باسىپ وزعان ءۇندىستان ەندى تۋريزمدە كوشباسشى بولۋعا ۇمتىلىپ جاتىر. سالا ماماندارىنىڭ ايتۋىنشا، ساياحاتقا تاپسىرىس بەرۋ سايتتارىندا ءدۇمپۋ بولىپ جاتىر. ءۇندى ۇكىمەتى كەلەسى جىلى ساياحاتشىلار ەسەبىنەن تۇسەتىن كىرىستى جىلىنا 42 ميلليارد دوللارعا ارتتىرماق. ال 2025 -جىلعا دەيىن اۋەجايلاردى جاڭارتۋ جۇمىسىنا 12 ميللياردتاي دوللار بولىنەدى. بيىلدىڭ وزىندە ينديرا گاندي اتىنداعى حالىقارالىق اۋەجاي الەمدەگى ەڭ قاربالاس نىسانداردىڭ قاتارىنا قوسىلعان. سوڭعى 20 جىلدا تۋريزم بويىنشا الدا بولعان قىتايعا ەندى ءۇندىستان باسەكەلەس بولا باستادى. ساراپشىلار ۇندىلەردە ءبىر ارتىقشىلىق بار دەيدى. بۇل ەلدە ءتۋريزمدى دامىتا الاتىن جەكەمەنشىك اۋە كومپانيالارى كوپ. ال قىتايدا ونداي باسەكە جوق.
سۋ استىنا ساياحات جاندانادى
اتاقتى تيتانيكتى كورۋگە مۇحيتتى تابانىنا اپارعان 5 ءتۋريستىڭ قايتىس بولۋى سۋ استى تۋريزمىنە تۇساۋ سالادى دەگەن پىكىر بولعان. ءبىراق اۆستراليا ماماندارى مۇنى جوققا شىعارىپ وتىر. سيدنەي ۋنيۆەرسيتەتىنىڭ عالىمدارى سۋ استىندا قاۋىپسىز جۇزەتىن، بارىنشا جەتىلدىرىلگەن روبوتتى قۇرال جاساپ شىققان. ولار قۇرىلعىنىڭ قىسىمىن دۇرىس ولشەپ، بارلىق جاعدايىن تىركەپ وتىراتىن كامەرالاردى كوپتەپ ورناتۋ كەرەك دەيدى.
ستەفان ۋيلليامس، سيدنەي ۋنيۆەرسيتەتىنىڭ پروفەسسورى:
- تەڭىزدىڭ تۇبىنە ساياحات جاساۋ ەشقاشان تۇرىپ قالمايدى. كەرىسىنشە، داميدى. تەك سۋدىڭ استىندا ەش اقاۋسىز جۇزەتىن قاۋىپسىز قۇرالدار كەرەك. ءبىز وسى باعىتتا ىرگەلى زەرتتەۋلەر جاساپ، سىناقتار وتكىزىپ، قۇرالداردى بارلىق جاعىنان جەتىلدىرىپ جاتىرمىز. اتى اڭىزعا اينالعان تيتانيكتى كورۋگە دەگەن قۇمارلىق ەشقاشان وشپەيدى.
ب ۇ ۇ: تۋريزم بيىل تولىق قالپىنا كەلەدى
بيىل الەمدىك تۋريزم تولىق قالپىنا كەلەدى. بىرىككەن ۇلتتار ۇيىمىنىڭ دۇنيەجۇزىلىك تۋريزم مەكەمەسى الەمدەگى ساياحاتتاۋ كورسەتكىشى 2023 -جىلدىڭ ءبىرىنشى توقسانىندا كوروناۆيرۋسقا دەيىنگى دەڭگەيدىڭ � ىنە جەتكەنىن حابارلادى. ياعني، جىلدىڭ باستاپقى 3 ايىندا 235 ميلليون ادام قىدىرعان. قازاق «اتىڭ باردا - جەر تانى جەلىپ ءجۇرىپ، اسىڭ باردا - ەل تانى بەرىپ ءجۇرىپ» دەپ تەگىن ايتپاسا كەرەك. قويان جىلىندا جاھاندا بارىس- كەلىس پەن ءجۇرىس- تۇرىس كوبەيگەلى تۇر.
www.24.kz