اراب امىرلىكتەرىندە ساناۋلى مينۋتتا كوپقاباتتى ءۇيدى ءورت شارپىدى

ادجمان. قازاقپارات - بىرىككەن اراب امىرلىكتەرىنىڭ ادجمان قالاسىندا كوپقاباتتى تۇرعىن ءۇيدى ءورت شارپىدى، دەپ حابارلايدى قازاقپارات The Hindustan Times باسىلىمىنا سىلتەمە جاساپ.

Ajman One كەشەنىنىڭ 02 مۇناراسىندا ءورت شىقتى. جالىن ساناۋلى مينۋتتا بىرنەشە قاباتتى شارپىدى. وقيعا ورنىنا دەرەۋ جەتكەن ءورت سوندىرۋشىلەر پوليتسيا جانە ازاماتتىق قورعانىس توپتارىنىڭ بىرلەسكەن كۇشىمەن ءتىلسىز جاۋدى اۋىزدىقتاي الدى.

زارداپ شەككەندەر تۋرالى مالىمەت جوق. ءورت اۋماعىنان ەۆاكۋاتسيالانعان تۇرعىندار ادجمان مەن شاردج قوناقۇيلەرىنە جەتكىزىلدى. الەۋمەتتىك جەلىدە تاراعان ۆيدەودان قۇتقارۋشىلاردىڭ بيىك عيماراتتىڭ بىرنەشە قاباتىنا تاراپ ۇلگەرگەن وتتى اۋىزدىقتاۋعا بار كۇشىن سالىپ جاتقانىن كورۋگە بولادى.