نازاربايەۆ پەن لۋكاشەنكونىڭ تەلەفون ارقىلى سويلەسۋىنە ق ر س ءى م تۇسىنىك بەردى

استانا. قازاقپارات - سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇڭعىش پرەزيدەنت نۇرسۇلتان نازاربايەۆ پەن بەلارۋس باسشىسى الەكساندر لۋكاشەنكونىڭ تەلەفون ارقىلى ەكى ەلدىڭ قارىم- قاتىناسىن تالقىلاعانىنا قاتىستى تىلشىلەر سۇراعىنا جاۋاپ بەردى، دەپ حابارلايدى قازاقپارات ءتىلشىسى.

«بەلارۋس پرەزيدەنتى تۇڭعىش پرەزيدەنتتىڭ كوپتەن بەرگى ۇزەڭگىلەسى. وزدەرىڭىز بىلەتىندەي، سىرتقى ساياساتتى، ونىڭ ىشىندە شەت مەملەكەتتەرمەن قارىم- قاتىناستى ايقىنداۋ قازاقستان پرەزيدەنتى قاسىم- جومارت توقايەۆتىڭ قۇزىرەتىندە. سوندىقتان قازاقستان- بەلارۋس قارىم- قاتىناسى تەك قازىرگى پرەزيدەنتتەر اراسىندا تالقىلانادى» ، - دەدى ايبەك سمادياروۆ مينيسترلىكتە وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا جاۋاپ بەرە تۇرىپ.

ونىڭ ايتۋىنشا، قازاقستان مەن بەلارۋس ەلى اراسىنداعى قارىم- قاتىناس ستراتەگيالىق سيپاتقا يە.

«كۇن تارتىبىندە پروبلەمالىق ماسەلەلەر جوق. ەكى ەل اراسىنداعى بارلىق دەڭگەيدەگى تۇراقتى جانە باسقا دا بايلانىستار ساقتالادى»، - دەيدى ول.