وزەنمۇنايگاز باس ديرەكتورىنىڭ ەكس- ورىنباسارى قارامىرزايەۆ ۇستالدى
«قارجىلىق مونيتورينگ اگەنتتىگىنىڭ ماڭعىستاۋ وبلىسى بويىنشا دەپارتامەنتى «وزەنمۇنايگاز» ا ق باس ديرەكتورىنىڭ بۇرىنعى ورىنباسارى ە. قارامىرزايەۆتى (قازىرگى تاڭدا «قاراجانباسمۇناي» ا ق باس ديرەكتورىنىڭ ورىنباسارى) ۇستادى.
ول «كەزبي» ج ش س- ءنىڭ جانە «وزەنمۇنايگاز» ا ق- نىڭ باسقا دا مەردىگەر ۇيىمدارىنىڭ زاڭدى كاسىپكەرلىك قىزمەتىنە كەدەرگى جاساۋ ماقساتىندا قىزمەتتىك وكىلەتتىگىن پايدالاندى دەپ كۇدىكتەلىپ وتىر.
قارامىرزايەۆ كونكۋرستىڭ جەكەلەگەن قاتىسۋشىلارىنىڭ بىلىكتىلىك تالاپتارىنا سايكەس كەلمەيتىنىن جانە مۇناي- گاز سالاسىنداعى جۇمىس تاجىريبەسى تۋرالى جالعان قۇجاتتار ۇسىنعانىن بىلە تۇرا، ولاردى تەندەرگە قاتىستىرعان.
ولاردىڭ مۇددەلەرىن قولداۋدى جالعاستىرا وتىرىپ، ول «كەزبي» ج ش س- نى ۇڭعىمالاردى جەراستى جوندەۋ بويىنشا وزىنە قولايسىز شارت جاساسۋعا ءماجبۇر ەتتى.
ءوزىنىڭ زاڭسىز ارەكەتتەرىمەن ول «كەزبي» ج ش س- نىڭ زاڭدى مۇددەلەرىنە ەلەۋلى زيان كەلتىردى جانە مىڭنان استام قىزمەتكەردىڭ قۇقىقتارىن بۇزدى، سونداي- اق مەردىگەر ۇيىمداردىڭ ەڭبەك ۇجىمدارىندا الەۋمەتتىك شيەلەنىس تۋدىردى»، - دەلىنگەن حابارلامادا.
ق ر قىلمىستىق- پروتسەسسۋالدىق كودەكستىڭ 201-بابى نەگىزىندە وزگە اقپارات جاريا ەتىلمەدى.
ەسكە سالايىق، بيىلعى 21-ساۋىردە «وزەنمۇنايگاز» ا ق مەن «بەرالي ماڭعىستاۋ Company» ج ش س- دا ۇرلىق فاكتىلەرى بويىنشا تەرگەۋ ءجۇرىپ جاتقانى ءمالىم ەتىلدى.
2-ماۋسىمدا ماڭعىستاۋ وبلىسى بويىنشا ەكونوميكالىق تەرگەپ- تەكسەرۋ دەپارتامەنتى لاۋازىمدى وكىلەتتىگىن اسىرا پايدالاندى دەگەن كۇدىكپەن «وزەنمۇنايگاز» ا فق باس ديرەكتورىنىڭ ورىنباسارى ب. مامبەتساپايەۆتى ۇستادى.
«وزەنمۇنايگازدىڭ» قارجى- شارۋاشىلىق قىزمەتىندە 160 زاڭ بۇزۋشىلىق انىقتالعانى جاريالاندى.
ال 23-ماۋسىمدا اقتاۋ قالاسىندا ماڭعىستاۋ وبلىسىنىڭ قوعامدىق كوممۋنيكاتسيالار ورتالىعىندا بريفينگ ءوتىپ، وندا «قازمۇنايگاز» ۇ ك ا ق- نىڭ (ق م گ) ارنايى جۇمىس توبى «وزەنمۇنايگاز» ا ق (و م گ) جانە ونىڭ مەردىگەر ۇيىمدارىندا جۇرگىزگەن تەكسەرۋ جۇمىستارىنىڭ قورىتىندىسى جاريالاندى.