استانادا قۇربان شالاتىن ورىندار بەلگىلى بولدى

استانا. قازاقپارات - استانا قالاسىندا قاسيەتتى قۇربان ايت مەرەكەسىندە قۇربان شالىناتىن ورىندار انىقتالدى.

بۇل تۋرالى ەلوردا اكىمدىگى استانا قالاسىنىڭ ءدىن ىستەرى باسقارماسىنا سىلتەمە جاساپ جاساپ حابارلايدى.

بيىل قۇربان ايت مەرەكەسى 28-30-ماۋسىم كۇندەرى ارالىعىندا وتەدى.

قازاقستان مۇسىلماندارى ءدىني باسقارماسىنىڭ اقپاراتىنا سايكەس قالا مەشىتتەرىندە 28 -ماۋسىم كۇنى ساعات 6.00 دە ايت نامازى وقىلادى.

استانا قالاسىندا بەكىتىلگەن ورىنداردا 8.00 دەن 18.00 گە دەيىن قۇربان شالۋعا بولادى:

1. «ۇلجان» امبەباپ بازارى، سارىارقا اۋدانى، ن. تىلەنديەۆ كوشەسى، 24 (بۇرىنعى «سايانۇر» بازارى)؛

2. «جايلاۋ» بازارى، بايقوڭىر اۋدانى، الاش تاسجولى، س-313 كوشەسى («شارىن» بازارىنىڭ ارتى)؛

3. «شانحاي» بازارى، بايقوڭىر اۋدانى، الاش تاسجولى، 34/6 («كوك بازار» بازارىنىڭ ارتى)؛

4. «شوپان اتا» بازارى، بايقوڭىر اۋدانى، (رۋبيكوم جانە ءامىر بازارىنىڭ ورتاسى)؛

5. «باراكات» بازارى، بايقوڭىر اۋدانى، ا-369 كوشەسى، №10 عيمارات.

قۇرباندىققا سويىلعان ەت تۇگەلدەي الەۋمەتتىك كومەككە مۇقتاج وتباسىلارعا ۇلەستىرىلەدى.

قۇربان ايت كۇندەرى حالىققا قۇربان شالۋ جانە تاعى باسقا وزەكتى ماسەلەلەر بويىنشا اقىل- كەڭەس بەرەتىن 109 call ورتالىعى تاۋلىك بويى جۇمىس جاسايدى.