قۇربان شالۋ ءۇشىن قارىز الۋعا بولا ما

استانا. قازاقپارات - قارىزدانىپ قۇربان شالۋعا بولا ما؟ بۇل سۇراققا قازاقستان مۇسىلماندارى ءدىني باسقارماسىنىڭ ۋاعىز-ناسيحات ءبولىمىنىڭ مەڭگەرۋشىسى باتىرجان مانسۇروۆ جاۋاپ بەردى، دەپ حابارلايدى قازاقپارات ءتىلشىسى.

«قارىز الىپ قۇربان شالۋ مىندەت ەمەس. ويتكەنى، قۇربان شالۋ ءۇشىن ادامنىڭ جاعدايى بولۋى كەرەك. مۇمكىندىگى بار ادام قۇربان شالۋ كەرەك، ال جاعدايى بولماسا قارىزدانىپ قۇربان شالۋدىڭ قاجەتى جوق. الايدا قۇربان شالۋدىڭ ساۋابىنان قۇر قالمايىن، مەن دە قۇربان شالايىن دەگەن ماقساتتا قارىز السا، ول بولادى. ءبىراق، شاماسىنا قاراۋ كەرەك»، - دەدى باتىرجان مانسۇروۆ و ك ق-دە وتكەن بريفينگتە.

سونداي-اق، بريفينگ بارىسىندا قۇربان شالماي اقشاسىن مۇقتاج جاندارعا بەرۋگە بولا ما دەگەن ساۋال قويىلدى.

«قۇربان مالدى كورسەتىلگەن، بەكىتىلگەن ۋاقىتتا شالۋ كەرەك. ال ساداقا رەتىندە قۇرباندىق قاراجاتى جۇرمەيدى. ال بۇل كۇندەرى جالپى ساداقا بەرۋگە بولادى. ال قۇرباندىققا مال شالۋ ول ءۋاجىپ»، - دەپ ءتۇسىندىردى ق م د ب وكىلى.

بۇعان دەيىن قۇرباندىققا قانداي مالداردىڭ جارامايتىنى تۋرالى حابارلاعان ەدىك.

ودان بولەك، ماماندار ايت نامازدان بۇرىن شالىنعان قۇرباندىق قابىل بولا ما ساۋالعا جاۋاپ بەردى.

سونىمەن قاتار قۇربان شالعاندا نەنى ەسكەرۋ كەرەكتىگى ايتىلدى.