قازاقستان مەن ازەربايجان ترانسكاسپي كولىك باعىتىن دامىتۋ تۋرالى مەموراندۋمدارعا قول قويدى
ەلىمىزدىڭ تاراپىنان اتالعان قۇجاتقا ق ر يندۋستريا جانە ينفراقۇرىلىمدىق دامۋ ءمينيسترى مارات قارابايەۆ قول قويعانىن ايتا كەتۋ كەرەك.
ماسەلەن، ءازىربايجان رەسپۋبليكاسىنىڭ سيفرلىق دامۋ جانە كولىك مينيسترلىگىمەن سيفرلىكولىك ءدالىزىن قۇرۋدى كوزدەيتىن كولىك سالاسىنداعى ءوزارا ءىس-قيمىلدى كەڭەيتىپ، تسيفرلاندىرۋ بويىنشاقارىم-قاتىناستى كۇشەيتۋگە باعىتتالعان مەموراندۋم جاسالدى.
بۇل قۇجاتتا ترانسكاسپي حالىقارالىق كولىك ءدالىزىنىڭ «شىعىس - باتىس» تارماعىنا سايكەس مۋلتيمودالدى تاسىمالدىڭ تيىمدىلىگىن ارتتىرۋ قاراستىرىلعان. وسى ۋاعدالاستىق ونلاين رەجىمدە لوگيستيكالىق تىزبەكتى قۇرۋعا، سونداي-اق «جىكسىز ترانزيت» قاعيداتى بويىنشا جۇك تاسىمالىن ءتيىمدى ۇيىمداستىرۋعا سەپتىگىن تيگىزەدى دەپ جوسپارلانعان.
بۇدان بولەك ءار ەكونوميكا مينيسترلىگىمەن ماشينا جاساۋ سالاسىندا ارىپتەستىكتى دامىتۋ جانە ءوندىرىس مۇمكىندىكتەرىن ۇلعايتۋعا ارنالعان كەمەلەر مەن تەمىرجول لوكوموتيۆتەرىن جەتكىزۋگە بايلانىستى تاعى ءبىر مەموراندۋم جاسالدى. وسى ارقىلى قازاقستاندا لوكوموتيۆ تەمىرجول تەحنيكاسىنىڭ ءوندىرىسى مەن ءازىربايجاندا كەمە شىعاراتىن كاسىپورىننىڭ قىزمەتىن جولعا قويۋ كوزدەلىپ وتىر.