الماتىدا مەدەۋدەگى «دەنساۋلىق ساتىسىنا» جۇگىرىپ شىعۋدان سايىس وتەدى

الماتى. قازاقپارات - الماتىدا 25-ماۋسىم كۇنى قالا تۇرعىندارى مەن قوناقتارى اراسىندا مەدەۋدەگى «دەنساۋلىق ساتىسىنا» جۇگىرىپ شىعۋدان سايىس وتەدى، دەپ حابارلايدى قازاقپارات ءتىلشىسى.

الماتى قالالىق سپورت باسقارماسىنىڭ مالىمەتىنشە، ءىس-شاراعا ءتۇرلى جاستاعى، دايىندىعى بار قالا تۇرعىندارى مەن قوناقتارى قاتىسا الادى.

«ءار جاستاعى ازاماتتار ءۇشىن ءارتۇرلى دەڭگەي، 100، 200، 500 ساتىلى جانە تولىق 842 ساتىلى قاشىقتىق قاراستىرىلعان. فيناليستەر مەن جۇلدەگەرلەر ۇيىمداستىرۋشىلار تاراپىنان مەدال، ديپلوم، ەستەلىك سىيلىقتارمەن ماراپاتتالاتىن بولادى»، - دەلىنگەن ۆەدومستۆو حابارلاماسىندا.

جۇگىرۋ سايىسىنا قاتىسۋ ءۇشىن sportevents.kz سايتىنا تىركەلۋ كەرەك.

سايىس 25-ماۋسىم (جەكسەنبى) كۇنى وتەدى. ساعات 9:00-دە باستاپ نومىرلەر تاراتىلا باستايدى، ساعات 10:00-دە جۇگىرۋ سايىسى باستالادى.