وڭتۇستىك كورەيا تۇرعىنى ەكى بالاسىن ءولتىرىپ، ءمايىتىن توڭازىتقىشتا ساقتاعان

كۇدىكتى شاقالاقتاردىڭ دەنەسىن بىرنەشە جىل بويى ۇيىندەگى مۇزداتقىشتا ساقتاعان، دەپ حابارلايدى قازاقپارات ءتىلشىسى CNN اگەنتتىگىنە سىلتەمە جاساپ.

30 جاستاعى ايەل سابيلەرىن ولتىرگەنىن مويىندادى جانە مۇنداي قادامعا 12, 10 جانە 8 جاستاعى باسقا ءۇش بالاسىن اسىراۋ ءۇشىن بارعانىن مالىمدەدى. ەكى شاقالاق تا تەك ءبىر كۇن عانا ءومىر سۇرگەن.

كۇدىكتى ايەل 2018 -جىلدىڭ قاراشاسىندا اۋرۋحانادا بوسانعان ءتورتىنشى بالاسىن تۇنشىقتىرىپ ءولتىرىپ، ونى ءمايىتىن ۇيىندەگى مۇزداتقىشقا سالىپ قويعان. سونىمەن قاتار، 2019 -جىلدىڭ قاراشاسىندا دۇنيەگە كەلگەن بەسىنشى بالاسىنىڭ دا ءومىرىن ءدال وسىلاي قيعان.

پوليتسيا دەرەگىنشە، ايەلدىڭ كۇيەۋى ونىڭ ءوز بالالارىن ولتىرگەنى تۋرالى بىلمەگەنىن. ويتكەنى، كۇدىكتى جۇبايىنا تۇسىك جاساتقانىن ايتقان.

21-ماۋسىمدا پوليتسيا ايەلدىڭ ۇيىنە تەكسەرۋ جۇرگىزدى. بۇل ۋاقىتتا كۇدىكتى ءوزىنىڭ قىلمىس جاساعانىن مويىندادى. بۇگىن ايەل ءوزىن قاماۋعا الۋعا رۇقسات بەرۋ جونىندەگى تىڭداۋعا قاتىسۋى ءتيىس.

Yonhap اگەنتتىگىنىڭ مالىمەتىنشە، وڭتۇستىك كورەيادا 2015 -جىلدان بەرى تۋعان 2000عا جۋىق نارەستە رەسمي تىركەلمەگەن.

سوندىقتان ەلدىڭ مەملەكەتتىك اۋديت جانە ينسپەكتسيالىق كوميسسياسى 2015-2022 -جىلدار ارالىعىندا دۇنيەگە كەلگەن، ءبىراق رەسمي قۇجات الماعان 2236 بالعا قاتىستى تەكسەرۋ جۇرگىزۋدى جوسپارلاپ وتىر.