ا ق ش-تا وقىپ جۇرگەن قازاق قىزى لوس-اندجەلەستە كونسەرت بەردى - ۆيدەو

استانا. قازاقپارات – ا ق ش-تا ءبىلىم الىپ جۇرگەن قازاق قىزى سانگينا ءشارىپوۆا لوس- اندجەلەستە كونسەرت بەردى، دەپ حابارلايدى قازاقپارات ءتىلشىسى.

بۇل - وتانداسىمىزدىڭ ا ق ش-تاعى العاشقى كونسەرتى. بۇگىندە سانگينا ءشارىپوۆا لوس- اندجەلەستەگى مۋزىكانتتار ينستيتۋتىندا ءبىلىم الىپ جاتىر. ول ۇسىنعان كونسەرت وقۋ ورنى ستۋدەنتتەرىنىڭ اراسىنداعى كونكۋرستىڭ فينالى. بۇعان دەيىنگى بىرنەشە كەزەڭنەن سۇرىنبەي وتكەن ءانشى لوس-اندجەلەستىڭ بەلدى ستۋديالارىمەن بىرگە جۇمىس ىستەۋ مۇمكىندىگىن جەڭىپ الۋ ءۇشىن سىنعا ءتۇستى.

«بۇل كونكۋرسقا قاتىسۋ ءۇشىن سوڭعى 2,5 ايدىڭ ىشىندە ءوز بەتىمشە مۋىزكانتتار تاۋىپ، ولاردىڭ باسىن قوسىپ توپ جاساقتادىم. بىرگە دايىندالىپ، اندەرىمدى وڭدەدىك، قازاق سوزدەرىن اعىلشىن تىلىنە اۋداردىم. ال بۇگىن تانىمال پروديۋسەرلەر مەن مەنەدجەرلەردىڭ الدىندا ونەرىمىزدى كورسەتتىك. مەن ءۇشىن بۇل ەرەكشە تاجىريبە بولدى»، - دەپ ءمالىم ەتتى سانگينا ءشارىپوۆا Jibek Joly تەلەارناسىنا بەرگەن سۇحباتىندا.

كونكۋرسقا قاتىسۋشىلار 3 اننەن ورىندادى. وسى ورايدا وتانداسىمىز سانگينا ءبىر تۋىندىنىڭ قايىرماسىن قازاق تىلىندە شىرقادى. بۇل رەتتى ونەر يەسىن قولداۋعا كەلگەن قازاقستاندىقتار دا از بولمادى.

«سانگينا قازىرگى سىناقتا توپ جارادى دەپ ويلايمىن. سەبەبى ول ۇلكەن نوتالاردى العان كەزدە ونى ۇلتتىق، قازاقي اسەم اۋەندەردىڭ يىرىمىمەن بايلانىستىرىپ جاتتى. «تالاپتىعا نۇر جاۋار»، دەيدى. ساتتىلىك تىلەيمىز!»، - دەپ پىكىر ءبىلدىردى ءانشىنىڭ كونسەرتىن تاماشالاۋعا بارعان قازاقستاننىڭ ەڭبەك سىڭىرگەن ءارتىسى مارات وماروۆ.