وزبەكستان ب ا ءا-نىڭ جاساندى جاڭبىر جاۋدىرۋ تەحنولوگياسىن ەنگىزۋدى كوزدەپ وتىر

تاشكەنت. قازاقپارات - وزبەكستان ب ا ءا-نىڭ جاساندى جاڭبىر جاۋدىرۋ تاجىريبەسىن ەنگىزۋدى كوزدەپ وتىر.

بۇل تۋرالى وزبەكستان سىرتقى ىستەر ءمينيسترى باحتيەر سايدوۆ ءوزىنىڭ Telegram-ارناسىندا مالىمدەدى، دەپ حابارلايدى قازاقپارات ءتىلشىسى.

بىرىككەن اراب امىرلىكتەرىنە ساپارى بارىسىندا وزبەكستان دەلەگاتسياسىنىڭ مۇشەلەرى دۇنيەجۇزىلىك مەتەورولوگيالىق ۇيىمنىڭ پرەزيدەنتى، ب ا ءا ۇلتتىق مەتەورولوگيالىق ورتالىعىنىڭ باس ديرەكتورى ابدۋللا ال- ماندۋسپەن كەزدەستى.

«بىرىككەن اراب امىرلىكتەرىندە ازىرلەنگەن وزىق تەحنولوگيالار جانە بۇلتتى سەبۋ سياقتى جاڭا ادىستەمەلەرمەن تانىستىم. ەندى ولاردىڭ تاجىريبەسىن وزبەكستاندا، اسىرەسە ارال وڭىرىنە ەنگىزۋ ماسەلەسى تالقىلاندى»، - دەپ جازدى باحتيەر سايدوۆ.

سىرتقى ىستەر ءمينيسترى ب ا ءا كليماتتىڭ وزگەرۋى جانە قورشاعان ورتا ءمينيسترى ماريام المحەيريمەن دە كەزدەستى.

«ءبىز سۋ تاپشىلىعى، سۋدى تۇشىتۋ، بيوارتۇرلىلىكتى قورعاۋ، ورمان ءوسىرۋ سالالارىنداعى كۇش-جىگەرىمىزدى بىرىكتىرۋگە، سونداي-اق وسى سالالاردا ب ا ءا-نىڭ وزىق تاجىريبەسىن وزبەكستانعا ەنگىزۋگە ەرەكشە نازار اۋداردىق»، - دەدى وزبەكستان سىرتقى ىستەر ءمينيسترى.

بۇلتتى سەبۋ - جاۋىن-شاشىن مولشەرىن ارتتىرۋ ءۇشىن اۋا رايىن وزگەرتۋ ءتاسىلى. دۇنيەجۇزىلىك مەتەورولوگيالىق ۇيىمنىڭ مالىمەتى بويىنشا، تەحنولوگيا 56 ەلگە قۇرعاقشىلىق پەن ەكسترەمالدى اۋا رايىنا قارسى تۇرۋعا كومەكتەسەدى.

1990 -جىلى ب ا ءا جاۋىن-شاشىن مولشەرىن ارتتىرۋ ءۇشىن زەرتتەۋ باعدارلاماسىن باستادى. ب ا ءا-دە بۇلتتى سەبۋ وتە ءتيىمدى جۇمىس ىستەيدى. سونىمەن قاتار، ول تۇشىلاندىرۋعا قاراعاندا شامامەن ` ارزان.