بۇكىل جوعارى وقۋ ورىندارىندا قابىلداۋ كوميسسياسى ءوز جۇمىسىن باستادى

استانا. قازاقپارات - ۇلتتىق تەستىلەۋ ورتالىعى رەسپۋبليكا بويىنشا بۇكىل جوعارى وقۋ ورىندارىنىڭ قابىلداۋ كوميسسياسى 20- ماۋسىمدا جۇمىس ىستەي باستاعانىن جەتكىزدى، دەپ حابارلايدى قازاقپارات.

2023-2024 وقۋ جىلىنا تالاپكەرلەردەن قۇجات قابىلداۋ 25- تامىزعا دەيىن جالعاسادى.

ج و و- لاردىڭ قابىلداۋ كوميسسياسىنىڭ ءتىزىمى جانە بايلانىس ءنومىرى تۋرالى قوسىمشا اقپارات testcenter.kz سايتىندا جانە ورتالىقتىڭ Telegram ارناسىندا جاريالانعان.

رەسۋرسقا كىرىپ، ءتىزىمدى جۇكتەپ الۋعا بولادى.

ايتا كەتەيىك، مەملەكەتتىك گرانت كونكۋرسىنا ءوتىنىش قابىلداۋ 13-20- شىلدە ارالىعىندا وتەدى.